Yanğınlar Avropaya 3 milyard avro ziyan vurub

Avropada baş verən anormal istilər və sonrakı meşə yanğınları Avropa ölkələrinə 3 milyard avrodan çox ziyan vurub.

Bu barədə "Financial Times" qəzeti məlumat yayıb.

Nəşr bildirir ki, "Fransa, İspaniya və Avropanın digər hissələrini bürüyən meşə yanğınları və istilər bu il artıq 3 milyard avrodan çox ziyana səbəb olub" .

Nəşrin hesablamalarına görə, yanğın mövsümünün ilk iki ayında təxminən 0,5 milyon hektar ərazi yanıb və bu da ən çox zərər çəkən beş Aİ ölkəsinə 3,1 milyard avro ziyan vurub.

Lakin məqalədə qeyd olunur ki, təsirlənən ölkələrdə daşınmaz əmlaka, kənd təsərrüfatına və turizmə dəyən ziyan hələ hesablanmayıb.