Azərbaycanda təhsilə ayrılan vəsait 5.1 milyard manata çatdırılır

Azərbaycanda 2027-ci ilin dövlət büdcəsindən təhsil sahəsinə 5 milyard 98 milyon 986 min manat vəsait ayrılması planlaşdırılır.

Bu, "Azərbaycan Respublikasının 2027-ci il dövlət büdcəsi haqqında" qanun layihəsində öz əksini tapıb.

Gələn il təhsil xərclərinin 2026-cı ilin təsdiqlənmiş büdcəsi ilə müqayisədə 82 milyon 589 min manat və ya 1.6 faiz artırılması nəzərdə tutulur.

2026-cı ilin dövlət büdcəsində təhsil sahəsinə 5 milyard 16 milyon 398 min manat ayrılıb.

Layihəyə əsasən, 2027-ci ildə ümumi təhsilə 2 milyard 185 milyon 407 min manat, məktəbəqədər təhsilə 434 milyon 774 min manat, ali təhsilə 240 milyon 553 min manat, peşə təhsilinə isə 115 milyon 405 min manat yönəldilməsi planlaşdırılır.

Müqayisə üçün bildirək ki, 2026-cı ildə ümumi təhsilə 2 milyard 414 milyon 835 min manat, məktəbəqədər təhsilə 468 milyon 192 min manat ayrılıb.

2027-ci ildə təhsil üzrə ümumi xərclərin artmasına baxmayaraq, ümumi təhsilə ayrılan vəsaitin 229,4 milyon manat və ya 9.5 faiz, məktəbəqədər təhsilə ayrılan vəsaitin isə 33.4 milyon manat və ya 7.1 faiz azaldılması nəzərdə tutulur.//oxu.az