Mehriban Əliyeva Binədə “Ümid yeri” uşaq sığınacağının yeni binasının açılışında iştirak edib » Median.Az - Bütün xəbərlər bir ünvanda
16:53 Rusiya Ukrayna ilə hərbi əsirlərin mübadiləsini aparıb  |     16:50 14 ildən sonra ilk dəfə: Suriya beynəlxalq bank köçürməsini həyata keçirdi  |     15:36 Daha bir ölkənin İrandakı səfirliyi müvəqqəti olaraq Bakıya köçür  |     14:31 Erməni general məhkəmədə vaxtilə işğal olunmuş ərazilərimizdə mina basdırılması ilə bağlı danışdı  |     13:35 Bakı-Qazax qatarının bileti niyə belə bahadır? - VİDEO  |     13:22 Bu şəxslərə 59 yaşından pensiya veriləcək - Qanun təsdiqləndi  |     13:21 Bakıda ata gizli telefon işlədən qızını döyüb öldürdü  |     13:19 Bakıda binanın damında qanunsuz inşa olunan hovuz sökülüb - FOTO  |     13:17 Sumqayıtda tekstil fabrikində baş verən yanğın tam söndürülüb  |     13:14 Azərbaycanın bir sıra çimərliklərində normadan artıq ÇİRKLƏNMƏ AŞKARLANDI  |     13:12 Bu gün Kahramanmaraşda "Azərbaycan məhəlləsi"nin açılışı olacaq  |     13:11 Bakı üzrə müəllimlərin orta aylıq əmək haqqı açıqlanıb  |     13:08 Bakıda TDT Məhkəmə Şuraları Şəbəkəsinin Əsasnaməsi imzalandı  |     12:42 Bakı-Ağstafa-Bakı marşrutu üzrə əlavə qatar reysləri təyin edilib  |     12:41 Reyd keçirildi: 16 sürücü barədə protokol tərtib edildi  |     12:40 Sabah Biləsuvarın bəzi ərazilərində qaz kəsiləcək  |     12:37 Avtomobil təmiri sexindən 15 yaşlı oğlanın meyiti tapılıb - Elgünlə eyni məktəbdə oxuyurmuş (FOTO)  |     12:35 İran xəstəxanaya hücum etdi - Netanyahudan İsrail ordusuna ƏMR  |     12:34 Türkiyədə 70 kq qızılla saxlanılan azərbaycanlı attaşe köməkçisi ilə bağlı QƏRAR  |     12:33 Durov Makronun mesajına cavab vermədi  |    

Mehriban Əliyeva Binədə “Ümid yeri” uşaq sığınacağının yeni binasının açılışında iştirak edib

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva iyunun 13-də Bakının Xəzər rayonunun Binə qəsəbəsində “Ümid yeri” uşaq sığınacağının yeni inşa olunan binasının açılışında iştirak edib.

Median.Az
xəbər verir ki, “Ümid yeri” uşaq sığınacağının köhnə binası müasir tələblərə cavab vermədiyindən Heydər Əliyev Fondu tərəfindən yeni bina inşa olunub.

Birinci vitse-prezident Mehriban Əliyeva binada yaradılan şəraitlə tanış olub. Müəssisənin rəhbəri Nigar Mənsimova “Ümid yeri” uşaq sığınacağının fəaliyyəti barədə Mehriban Əliyevaya məlumat verib.

Qeyd edilib ki, uşaq sığınacağı 1997-ci ildə təsis olunub. Burada 18 yaşınadək şəxslər məskunlaşır. Sığınacaqda qaldıqları müddətdə onlara hüquqi, mənəvi, sosial və tibbi yardımlar edilir, uşaqların cəmiyyətə adaptasiya olunmalarına və təhsil almalarına dəstək göstərilir.

Müəssisədə sığınacaq sakinlərinin zövqlərinin formalaşması, istedad və bacarıqlarının inkişafı məqsədilə müxtəlif sənət sahələri - xalçaçılıq, rəssamlıq, əl işləri üzrə emalatxanalar yaradılıb.

Uşaqların iştirakı ilə yaradılan “Keçə” rəsm əsəri Heydər Əliyev Fondunun prezidentinə hədiyyə edilib.

İkimərtəbəli müəssisənin binası 53 yerlikdir. Yeni bina oğlanlar, qızlar və kiçik yaşlı uşaqlar üçün bölmələrin yaradılmasına imkan verib. Bütün otaqlar müasir avadanlıqla təchiz edilib. Uşaq sığınacağında yataq, sinif otaqları, informatika kabinetləri, sakinlərin asudə vaxtlarını səmərəli keçirmələri üçün istirahət və əyləncə zonaları, yeməkxana yaradılıb.

Sonra Birinci vitse-prezident Mehriban Əliyeva uşaq sığınacağının sakinləri ilə görüşərək onlarla söhbət edib. On yaşlı Ömər Musayev yeni binada yaradılan şəraitin onların ürəyincə olduğunu söyləyib. Deyib ki, burada təhsil almaq, asudə vaxtlarını maraqlı keçirmək üçün bütün imkanlar var. O, görülən işlərə görə sığınacaq sakinlərinin adından Birinci vitse-prezident Mehriban Əliyevaya təşəkkürünü bildirib. Uşaqların arzuları ilə maraqlanan Heydər Əliyev Fondunun prezidenti sığınacaq sakinlərinin yanına yenə də qonaq gələcəyini deyib. Mehriban Əliyeva qeyd edib ki, indi bütün lazımi şəraitlə təmin olunan uşaqların əsas vəzifəsi yaxşı oxumaqdır. Müəssisənin balaca sakinləri Birinci vitse-prezidentə musiqiyə, rəsm çəkməyə həvəs göstərdiklərini söyləyiblər, mahnı ifa ediblər.

Heydər Əliyev Fondu uşaqlarla bağlı müxtəlif layihələr reallaşdırır. Xeyriyyəçiliyi, böyüməkdə olan nəslin hərtərəfli qayğı ilə əhatə olunmasını, müxtəlif humanitar aksiyaları fəaliyyətinin prioritet istiqamətləri kimi müəyyən edən Fond paytaxtdakı uşaq müəssisələrinin sakinləri üçün yaradılan şəraitin daha da yaxşılaşdırılması məqsədilə mühüm layihələrə imza atır. Bu istiqamətdə görülən işlərdən biri də “Ümid yeri” uşaq sığınacağı üçün yeni binanın inşasıdır.

Binanın həyəti abadlaşdırılıb, yaşıllıq zonası salınıb.

Birinci vitse-prezident Mehriban Əliyeva “Ümid yeri” uşaq sığınacağına fəaliyyətində uğurlar arzulayıb.

скачать dle 11.3




Şahidi olduğunuz hadisələri çəkib bizə göndərin!




            1 736 13.06.19 19:20