Median.Az xəbər verir ki, Xətai RPİ 36-cı polis bölməsinin əməkdaşları tərəfindən yanvarın 18-də paytaxt sakininin cibindən 2500 manat oğurlayan Bakı şəhər sakini Nicat Şahavədli saxlanılıb.

Bundan başqa, Xətai RPİ 37-ci polis şöbəsinin əməkdaşları yanvarın 13-də rayon ərazisində 4 avtomobildən noutbuk, mobil telefon və eynək oğurlayan Saatlı rayon sakini, əvvəllər məhkum olunmuş Nəcmin Ağayevı saxlayıblar.

Səbail RPİ 8-ci polis bölməsi əməkdaşlarının keçirdikləri əməliyyat-axtarış tədbirləri nəticəsində yanvarın 18-də qadının, içərisində pul və sənəd olan pulqabısını oğurlayan
Kürdəmir rayon sakini L.Əliyeva saxlanılıb.

Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində yanvarın 18-də Bakı şəhər sakininin bank kartından 394 manat çıxararaq, oğurlayan paytaxt sakini Taleh Xankişizadə saxlanılıb.

Nəsimi RPİ 19-cu polis şöbəsinin əməkdaşları tərəfindən yanvarın 5-də qadının, içərisində 350 manat və bank kartları olan pulqabısını oğurlayan Bakı şəhər sakini Nərgiz Ağammədova saxlanılıb.

Suraxanı RPİ 31-ci polis bölməsi əməkdaşlarının keçirdikləri əməliyyat-axtarış tədbirləri nəticəsində ötən il sentyabrın 16-dan noyabrın 4-dək olan müddətdə, 2 avtomobildən maqnitofon və akkumulyator, 1 evdən su sayğacı oğurlayan paytaxt sakini Xalid Əbdülməmmədov saxlanılıb.

Nərimanov RPİ 16-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Q.Filmanova məxsus “ZİL” markalı avtomaşını oğurlayan Bakı şəhər sakini, əvvəllər məhkum olunmuş Hüseynağa Məmmədov saxlanılıb.

Faktlarla bağlı CM-nin 177-ci (oğurluq) maddəsi ilə istintaq aparılır.скачать dle 11.3