Median.Az xəbər verir ki, Binəqədi RPİ 7-ci PB əməkdaşlarının keçirdikləri əməliyyat-axtarış tədbirləri nəticəsində rayon ərazisində 1 avtomobildən 250 manat və sənəd, habelə 3 nəfərə məxsus velosipedləri oğurlayan Bakı şəhər sakini R.Novruzov saxlanılıb.
Bundan başqa, Binəqədi RPİ 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində fevralın 3-də Binəqədi qəsəbəsindəki mağazadan
120 manat dəyərində laqunda diskləri oğurlayan Xaçmaz rayon sakini, əvvəllər məhkum olunmuş İ.Abdullayev saxlanılıb.
Xətai RPİ 36-cı polis bölməsinin əməkdaşları tərəfindən yanvarın 31-də rayon ərazisindəki ofislərin birindən televizor və 2 ədəd kamera oğurlayan Şərur rayon sakini Ş.Cəfərov saxlanılıb.
Nəsimi RPİ 20-ci və Yasamal RPİ 26-cı polis bölmələri əməkdaşlarının keçirdikləri əməliyyat-axtarış tədbirləri nəticəsində “VAZ-2107” markalı avtomobildən maqnitofon oğurlayan Yevlax rayon sakini olan bir yeniyetmə saxlanılıb. Araşdırma zamanı, onun daha iki nəfərlə birlikdə 1 sexdən, ofisdən, restorandan, fotostudiyadan pul, geyim və məişət əşyaları, habelə bir qadının mobil telefonunu oğurlaması müəyyən edilib.
Nərimanov RPİ 16-cı polis bölməsi əməkdaşlarının keçirdikləri əməliyyat-axtarış tədbirləri nəticəsində CM-nin 177-ci (oğurluq) maddəsi ilə axtarışda olan S.Həsənov saxlanılıb. Araşdırma zamanı, onun 3 nəfərin çantalarından pul, mobil telefon və sənəd oğurlaması məlum olub.
Nəsimi RPİ 20-ci polis bölməsinin əməkdaşları tərəfindən ötən il oktyabrın 26-da 1 avtomobildən 2 ədəd mobil telefon oğurlayan Astara rayon sakini, əvvəllər məhkum olunmuş İ.Əlizadə saxlanılıb.
Nizami RPİ 25-ci polis şöbəsinin əməkdaşları tərəfindən yanvarın 23-də paytaxt sakini R.İbişovun 450 manat pulunu oğurlayan Bakı şəhər sakini, əvvəllər məhkum olunmuş C.Abbasov saxlanılıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə