Median.Az xəbər verir ki, Sabunçu RPİ 13-cü polis bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 15-də mağazadan 408 manat oğurlayan Bakı şəhər sakini, əvvəllər məhkum olunmuş Kamran Hasilov saxlanılıb.
Bundan başqa, Nizami RPİ 24-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində bu il oktyabrın 16-da mağazadan 7 ədəd mobil telefon oğurlayan Masallı rayon sakini Rauf Salayev saxlanılıb.
Binəqədi RPİ 5-ci polis bölməsinin əməkdaşları tərəfindən bu il avqustun 10-da paytaxt sakini bir nəfərin cibindən 500 manat oğurlayan Bakı şəhər sakini Rövşən Mirzəyev, dekabrın
4-də evlərin birindən 400 manat dəyərində qızıl boyunbağını oğurlayan Bakı şəhər sakini Cahangir Dövlətov saxlanılıblar.
Nəsimi RPİ 19-cu polis şöbəsinin əməkdaşlarının keçirdikləri əməliyyat-axtarış tədbirləri nəticəsində dekabrın 1-də evdən 500 manat oğurlayan Cəbrayıl rayon sakini Aysel Şirinova saxlanılıb.
Faktlarla bağlı CM-nin 177-ci (oğurluq) maddəsi ilə istintaq aparılır.
Şahidi olduğunuz hadisələri çəkib bizə göndərin!
Son Əlavə