Median.Az xəbər verir ki, Nərimanov RPİ 18-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində oktyabrın 22-də evdən 1150 manat, 101 dollar və 200 rubl oğurlayan Bakı şəhər sakini Əlibaba İsgəndərov saxlanılıb.

Bundan başqa, Nərimanov RPİ 18-ci polis şöbəsi və Yasamal RPİ 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində bir evdən qaz sayğacı, gözəllik salonundan 490 manat pul oğurlayan Lənkəran rayon sakini Rəhman Dadaşzadə saxlanılıb,

Nəsimi RPİ 19-cu polis şöbəsinə müraciət edən Bakı şəhər sakini Ə.Əhmədov Cavadxan küçəsində cibindən 500 manat pulunun oğurlandığını bildirib.
Keçirilmiş əməliyyat-axtarış tədbirləri nəticəsində paytaxt sakini, əvvəllər məhkum olunmuş Kamran Əliyev saxlanılıb, Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində dekabrın 11-də rayon ərazisindəki evndən 1000 manat pul, noutbuk, geyim əşyaları və qol saatı oğurlayan Qəbələ rayon sakini Yusif İsayev saxlanılıb, Nəsimi RPİ əməkdaşlarının keçirdikləri istintaq-axtarış tədbirləri nəticəsində iyunun 9-da bir nəfər paytaxt sakininin 187 manat pulunu oğurlayan İmişli rayon sakini Azad Bəylərzadə, sentyabrın 10-da rayon ərazisində 3 ədəd rabitə quyusunun qapaqlarını oğurlayan Mingəçevir şəhər sakini Mustafa Sarıyev saxlanılıblar, Suraxanı RPİ 31-ci polis əməkdaşlarının keçirdikləri əməliyyat-axtarış tədbirləri nəticəsində dekabrın 12-də rayon ərazisindəki iki evdən telefon, 600 manat dəyərində qızıl əşyalar və təmir-tikinti alətlərini oğurlayan Bakı şəhər sakini Eldar Babayev saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3