Median.Az xəbər verir ki, Suraxanı RPİ 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisində 6 evin girişindən su sayğaclarını oğurlayan Bakı şəhər sakinləri Ə.Çələbiyev və R.Quliyev saxlanılıblar.

Bundan başqa, Sabunçu RPİ 13-cü polis bölməsi əməkdaşlarının keçirdikləri əməliyyat-axtarış tədbirləri nəticəsində evlərdən qaynaq aparatı, su mühərriki və təmir-tikinti alətləri oğurlayan Bakı şəhər sakini, əvvəllər məhkum olunmuş Ş.İsgəndərov saxlanılıb.

Sabunçu RPİ 12-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində aprelin 5-də rayon ərazisindəki evdən 950 manat pul və televizor oğurlayan paytaxt sakini E.Əliyev saxlanılıb.

Yasamal RPİ 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində H.Cavid prospektindəki evdən su mühərriki və məişət əşyaları oğurlayan
Bakı şəhər sakini O.Həsənov saxlanılıb.

Yasamal RPİ 29-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində evdən 700 manat pul və 800 manat dəyərində qızıl-zinət əşyaları oğurlayan
Bakı şəhər sakini, əvvəllər məhkum olunmuş F.Quluzadə saxlanılıb.

Xəzər RPİ 1-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində Buzovna qəsəbəsindəki evdən 250 manat, 50 dollar, gümüş və məişət əşyaları oğurlayan Bakı şəhər sakini, əvvəllər məhkum olunmuş X.Xalıqov saxlanılıb. Şəxsi axtarış zamanı ondan narkotik vasitə - heroin götürülüb.

Faktlarla bağlı CM-nin 177-ci (oğurluq) maddəsi ilə cinayət işi başlanılıb.скачать dle 11.3