Median.Az xəbər verir ki, Xəzər RPİ 1-ci polis şöbəsi və DİN Əlahiddə Çevik Polis Alayı əməkdaşlarının keçirdikləri əməliyyat-axtarış tədbirləri nəticəsində aprelin 7-də rayon ərazisindəki evdən 1600 metr elektrik naqili oğurlayan paytaxt sakinləri C.Eyvazov və P.Nəbiyev saxlanılıblar.

Bundan başqa, Sabunçu RPİ 15-ci polis bölməsi əməkdaşlarının keçirdikləri əməliyyat-axtarış tədbirləri nəticəsində aprelin 12-nə keçən gecə Məhəmmədi qəsəbəsi ərazisində, tikintisi başa çatmamış evdən 70 metr elektrik naqili və təmir-tikinti alətləri oğurlayan Zabrat qəsəbə sakinləri V.Əzimov, Z.Hənifəyev və A.Ağabalayev saxlanılıblar. Şəxsi axtarış zamanı hər üçündən narkotik vasitə - heroin götürülüb. Araşdırma zamanı,
onların rayon ərazisində daha 3 evdən elektrik naqili, təmir-tikinti alətləri və məişət əşyaları oğurlamaları məlum olub.

Suraxanı RPİ 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evdən 9000 manat dəyərində qızıl-zinət əşyaları oğurlayan Bakı şəhər sakini, əvvəllər məhkum olunmuş H.Musayev saxlanılıb.

DİN Kriminalistik Tədqiqatlar İdarəsi və Binəqədi RPİ 40-cı polis bölməsi əməkdaşlarının birgə keçirdikləri əməliyyat tədbiri nəticəsində
rayon ərazisindəki evdən televizor və paltaryuyan maşın oğurlayan Beyləqan rayon sakini, əvvəllər məhkum olunmuş C.Nəsirov saxlanılıb.

Faktlarla bağlı CM-nin 177-ci (oğurluq) maddəsi ilə istintaq aparılır.скачать dle 11.3