Bıçaqlanan şəxs: Ona dedim ki, belə geyinmə, camaatın anası-bacısı var » Median.Az - Bütün xəbərlər bir ünvanda
21:31 Sabah Yasamalın bəzi ərazilərində qaz olmayacaq  |     21:25 Casusluqda ittiham olunan Fransa vətəndaşı: Mənə Azərbaycanın silahları və ordunun silahlanması haqqında suallar verilirdi  |     21:16 Azərbaycana Türkiyədən gətirilən nektarin və şaftalı tinglərində virus aşkarlanıb  |     21:11 Suriya Prezidenti Konstitusiya Məhkəməsinin üzvlərini təyin edə biləcək  |     21:05 NBA-da oynamış basketbolçu 54 yaşında vəfat edib  |     21:00 İsrail Ordusu Dəməşqə zərbə endirdiyini təsdiqləyib  |     20:54 FHN Qəbələ Beynəlxalq Aeroportunda təlim keçirib  |     20:48 Azərbaycanın minifutbol millisi Slovakiyada beynəlxalq turnirdə iştirak edəcək  |     20:41 Erməni general: Azərbaycana qarşı vuruşan "Daşnak" adlandırılan taborda Ermənistan vətəndaşları da var idi  |     20:35 "Səbail" klubu 3000 manat cərimələnib  |     20:30 Sabah 26 dərəcə isti olacaq  |     20:24 Azərbaycanda 16 sığorta agentinin lisenziyasının qüvvəsi dayandırılıb - FOTO  |     20:19 Azərbaycanda ilk dəfə VIII faktorun Xromogen üsulu ilə müayinəsi aparılıb  |     20:12 Bakıda silah-sursat aşkarlanıb  |     20:07 Fransada Ukraynanı dəstəkləyən qətnamə qəbul edilib  |     19:59 Azərbaycan Voleybol Federasiyasının rəsmisi CEV Kubokuna təyinat alıb  |     19:53 Azərbaycanda vergi ödəyicilərinin sayı 5 %-dən çox artıb  |     19:46 Peskov: Kursk vilayətinin azad edilməsi əməliyyatı yekun mərhələyə daxil olub  |     19:40 “Ordubad” Dövlət Tarix-Mədəniyyət Qoruğunun Əsasnaməsi təsdiqlənib  |     19:31 Azərbaycanda qədim yaşayış məskənlərindən tapılan eksponatların sərgisi olacaq  |    

Bıçaqlanan şəxs: Ona dedim ki, belə geyinmə, camaatın anası-bacısı var

Bu gün Bakı Ağır Cinayətlər Məhkəməsində qonşusunu bıçaqlamaqda təqsirləndirilən Əzizağa Bünyatovun cinayət işi üzrə məhkəmə prosesi davam etdirilib.

Hakim Mirzə Xankişiyevin sədrliyi ilə keçirilən prosesdə prokuror Sabir Abdinov ittiham aktını elan edib.

Ə.Bünyatov elan olunmuş ittihamla özünü qismən təqsirli bilib.

O deyib ki, qonşusu Xaliq Nəsirovu, əslində, söyüş söydüyü üçün bıçaqlayıb:

“Məhləmizdə qapının ağzında köynəksiz oturmuşdum. Bu zaman qonşum Xaliq geyimimə irad bildirdi və gözlənilmədən məni nalayiq söyüşlərlə söyməyə başladı. Mən də evə girib, bıçağı götürüb qayıtdım və onu bıçaqladım. Kim olsa, bu söyüşləri götürməzdi”.

O, əməlindən peşman olduğunu bildirib.

Daha sonra zərərçəkmiş Xaliq Nəsirov dindirilib. O, qonşusuna məhlədə çılpaq oturduğu üçün irad bildirdiyini təsdiq edib:

“Əzizağaya da bir qardaş kimi dedim ki, “belə geyinmə, yol qırağıdır, qız-gəlin keçir. Camaatın anası-bacısı var, olmaz axı belə. Ancaq söyüş söyməmişəm. O, mənim sözümdən sonra evdən bıçağı götürüb üstümə gəldi və məni vurdu”.

Məhkəmə iclası dekabrın 12-dək təxirə salınıb.

Qeyd edək ki, hadisə bu il Binəqədi rayonu Sulutəpə qəsəbəsi, Çiçək küçəsində baş verib.

1960-cı il təvəllüdlü Bünyatov Əzizağa Əlimürsəl oğlu mübahisə zəminində qonşusu, 1974-cü il təvəllüdlü Nəsirov Xaliq Cəlil oğluna bir neçə bıçaq xəsarəti yetirib. Yaralı təcili olaraq Kliniki Tibbi Mərkəzə aparılıb, onun həyatını xilas etmək mümkün olub. Hadisəni törədən şəxs isə 40-cı Polis Bölməsi əməkdaşları tərəfindən saxlanılaraq istintaq orqanına təhvil verilib.

Onun barəsində Cinayət Məcəlləsinin 126.1-ci (qəsdən bədənə ağır xəsarət yetirmə) maddəsi ilə ittiham irəli sürülüb və rayon məhkəməsinin qərarı ilə həbs-qətimkan tədbiri seçilib.//oxu.azскачать dle 11.3




Şahidi olduğunuz hadisələri çəkib bizə göndərin!




            3 087 05.12.18 18:40