Cinsi təcavüzdə günahlandırılan "Diddy" ləqəbli amerikalı aktyor, prodüser və reper Şon Kombs günahsız olduğunu iddia edib.
Məşhur rep ifaçısı aylardır ki, cinayət işi üzrə istintaqa cəlb olunub.
Nyu-Yorkda saxlanılan Kombs Manhettendə federal məhkəmədə ona qarşı irəli sürülən bütün ittihamları rədd edib. Məhkəmədən sonra təşkil edilən mətbuat konfransında Nyu York prokuroru Damian Williams:
"Bu ofis nə qədər güclü, zəngin və ya məşhur olmağınızdan asılı olmayaraq, etdiyiniz işlə məşğul olan hər kəsi təhqiq etmək və mühakimə etmək öhdəliyi götürür”, -deyə bildirib.
İddianamədə Şon Kombs və onun tərəfdaşlarının "qadın qurbanlarını, çox vaxt romantik münasibət bəhanəsi ilə aldadıb, cinsi əlaqəyə girməyə və narkotik istifadə etməyə məcbur etdiyi" iddia edilib.
Şon Combs-un vəkili Marc Agnifilo, müvəkkilinin qüsurlu bir insan olduğunu, lakin günahkar olmadığını iddia edib.
Digər tərəfdən, Sean Combs sosial media hesabında:
"Bəsdir artıq. Asan yolla pul qazanmaq istəyən insanlar tərəfindən mənə qarşı iyrənc ittihamlar irəli sürülüb. Mən iddia edilən dəhşətli şeylərin heç birini etməmişəm. Adım, ailəm və həqiqət üçün mübarizə aparacağam",-deyə paylaşım edib.
Qeyd edək ki, onun keçmiş sevgilisi, müğənni Kessi Ventura 2023-cü ilin noyabrında ona qarşı cinsi təcavüz etdiyini iddia edərək, Sean Combs-a qarşı iddia qaldırmışdı.
//azxeber.com