Türkiyədə hərbi məktəbdə partlayış olub.
Bu barədə Median.Az "Habertürk"ə istinadən xəbər verir.
Məlumata görə, hadisə Ankarada, Poladlı rayonundakı hərbi məktəbdə qeydə alınıb. Təlim zamanı baş verən partlayış nəticəsində 5 kursant yaralanıb.
Yaralılar xəstəxanaya yerləşdirilib və onlara tibbi yardım göstərilib. Hadisə ilə bağlı Poladlı Cümhuriyyət Baş Prokurorluğu tərəfindən təhqiqata başlanılıb.