Millimizin baş məşqçisi: Bəhanə üçün yer yoxdur » Median.Az - Bütün xəbərlər bir ünvanda
22:50 Ərəblərin uzunömürlülük SİRRİ: Xurmanı belə yeyin  |     22:43 Hakan Fidan: Türkiyənin Suriyada hər hansı bir ölkə ilə qarşıdurma yaratmaq niyyəti yoxdur  |     22:35 Tramp bəzi ölkələrə tətbiq olunan rüsumları 90 gün müddətinə dayandırıb  |     22:27 Satıcılar nəyi gizlədirlər? - Hibrid avtomobil, elektromobillərlə bağlı qalmaqallı həqiqət  |     22:20 Tramp Çinə ticarət rüsumlarını 125 %-ə qaldırıb  |     22:11 Aprelin 10-12-si ilə bağlı xəbərdarlıq  |     22:02 Eşitmə itkisi ürək problemlərini göstərə bilər (ARAŞDIRMA)  |     21:53 Daha bir güləşçimiz Avropa çempionatında bürünc medal qazandı  |     21:45 Leyla Əliyeva və Arzu Əliyeva "Gənc arıçı" layihəsinin iştirakçıları ilə görüşdülər - FOTO  |     21:23 Mövqelərimiz atəşə tutuldu  |     21:15 Kompensasiyaların verilməsinin son müddəti açıqlandı  |     20:59 Ana 14 yaşlı qızını pul qarşılığında kişilərlə görüşdürür? - İDDİA  |     20:31 Azərbaycanda bağçadan çıxan uşaqlara itlər hücum etdi: Çox sayda yaralı XƏSTƏXANAYA YERLƏŞDİRİLDİ  |     20:07 Rusiya iki rumıniyalı diplomatı ölkədən qovub  |     19:50 Ləğv edilən 4 bankın əmanətçilərinə ayrılan VAXT BİTİR  |     19:36 Xələf Xələfov Sergey Lavrovla görüşüb  |     19:25 ABŞ-də silahlı insident nəticəsində üç nəfər ölüb  |     19:19 Bakıxanov qəsəbəsində avtomobil piyadanı vuraraq yaralayıb  |     19:11 İngiltərə növbəti mövsüm ÇL-də azı 5 komanda ilə təmsil olunacaq  |     19:04 Suriya Əsədin silahlı tərəfdarlarının başçısının öldürüldüyünü açıqlayıb  |    

Millimizin baş məşqçisi: Bəhanə üçün yer yoxdur

Yunan-Roma güləşi üzrə yığmamız qarşıdakı yarışlara hazırlığı davam etdirir. Millimiz Olimpiya Güləş Mərkəzində təlim-məşq toplanışı keçir.

Bir müddət öncə İranda “Təxti kuboku”nda, Türkiyədə Vəhbi Əmrə və Hamit Kaplanın xatirə turnirində qüvvəsini sınayan komandamızın bir neçə üzvü fevralın 22-24-də Macarıstanın Dyor şəhərində keçiriləcək Qran Pridə mübarizə aparacaq.

Yığmamızın baş məşqçisi Şaban Donat geridə qalan yarışlar və gələcək planlarla bağlı Azərbaycan Güləş Federasiyasının saytına açıqlama verib:

“Bu turnirlərə qatılmaqda əsas məqsəd nəticə qazanmaq yox, çatışmazlıqları görmək idi. Bu yarışlar üçün xüsusi hazırlıq görməmişdik. Əsas diqqətimizi böyük turnirlərə ayırmışıq.

Bununla belə “Təxti kuboku”nda Arif Niftullayevin (-97 kq) çıxışını fərqləndirə bilərəm. Ağır çəkilərdə rəqabətin yüksək səviyyədə olmadığını nəzərə alsaq, Arifin İranda yaxşı güləşməsi bizi sevindirdi. Önümüzdə 23 yaşadək güləşçilərin qitə birinciliyi var.

Ondan sonra isə böyüklərin Avropa çempionatı gəlir. Bu yarış bizim üçün çox vacibdir. Dünya çempionatından əvvəl sınaq xarakteri daşıyacaq. İyunda keçiriləcək II Avropa Oyunları da ilin ən önəmli yarışlarından biridir. Bu Oyunlarda da uğurlu çıxış etmək lazımdır. Astanada keçiriləcək mundialda isə Olimpiadaya maksimum sayda – altı lisenziya qazanmağa çalışacağıq.

Macarıstandakı turnir reytinq xarakterlidir. Bu yarışda uğur qazanmaq ona görə lazımdır ki, dünya və Avropa çempionatlarında püşkatma zamanı reytinqi yüksək olan güləşçilərlə ilk mərhələlərdə qarşılaşmırsan.

Sabah Şəriəti (-130 kq) bu il ilk yarışına Dyorda çıxacaq. Gələcəyinə ümid bəslədiyimiz güləşçilərdən İslam Abbasov (-87 kq) da bu yarışda çıxış edəcək. İstəyirik ki, çatışmayan tərəflərini görək və aradan qaldıraq. Daha bir gənc güləşçimiz Murad Məmmədova (-60 kq) da Macarıstanda şans verməyi düşünürük. Çalışmalıyıq ki, yığmada hər çəkidə 2-3 güclü güləşçi olsun. Çünki zədə və xəstəlikdən heç kim sığortalanmayıb. Macarıstandan qayıdandan sonra yeni hazırlıq sistemi tətbiq edəcəyik. Özbəkistan, Türkiyə, Gürcüstan və Ukrayna güləşçiləri ilə birgə toplanış gözlənilir.

Aşağı çəkilərdə rəqabət baxımından problem yoxdur. Azərbaycan idman ölkəsidir. Bu növlərin də başında güləş gəlir. Burda orta bir şey yoxdur, ya yaxşısan, ya da pis. Yaxşı olmaq məcburiyyətindəyik. Bəhanə üçün yer yoxdur”.скачать dle 11.3




Şahidi olduğunuz hadisələri çəkib bizə göndərin!




            2 293 15.02.19 20:54