Bakı Ağır Cinayətlər Məhkəməsində Azər Əhmədovun (1984-cü il təv.) CM-nin 29, 120.1-ci (qəsədən adam öldürməyə cəhd) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, ittiham aktına əsasən, hadisə Nəsimi rayonu, Cavadxan küçəsi 1-də qeydə alınıb. Azər Əhmədov kirayə yaşadığı mənzildə qeyri-rəsmi yaşadığı Məhəbbət Şıxıyevanın (1988-ci il təv.) döş qəfəsinə bıçaqla zərbələr vurub. Nəticədə yaralanan qadın 1 saylı şəhər xəstəxanasına çatdırılıb.
Azər Əhmədov Nəsimi RPİ 19-cu polis bölməsinin əməkdaşları tərəfindən saxlanılıb, barəsində rayon prokurorluğunda cinayət işi başlanılıb. İlkin dindirmə zamanı o, sevdiyi qadını qısqanclıq zəmnində vurduğunu bildirib. Əhmədovun sözlərinə görə, Şıxıyeva ona xəyanət edərək, başqa kişi ilə mesajlaşıb, o isə bunu tutub.
Məhkəmənin hökmü ilə təqsirləndirilən şəxs 7 il 10 ay 15 gün müddətinə azadlıqdan məhrumetmə cəzasına məhkum olunub.
Şahidi olduğunuz hadisələri çəkib bizə göndərin!
Son Əlavə