Məşhur teleaparıcı xəstəxanaya yerləşdirildi
Rusiyanın tanınmış teleaparıcısı Dmitri Dibrov xəstəxanaya yerləşdirilib.
Median.Az Rudiya mətbuatına istinadən xəbər verir ki, teleaparıcı məclislərdən birində yıxılaraq huşunu itirib.
Hadisədən sonra o, kəllə-beyin travması diaqnozu ilə xəstəxanaya aparılıb.
Məlumata əsasən, sonrakı müayinələr zamanı Dibrovun yıxılarkən qolunu da sındırdığı, həkimlər əməliyyat tövsiyə etsələr də, teleaparıcının əməliyyatdan imtina etdiyi bildirilir.
Dibrovun keçmiş həyat yoldaşı Polina Dibrova onun səhhəti ilə bağlı narahatlığa əsas olmadığını deyib.
"Hazırda o, peşəkar həkimlərin nəzarəti altında xəstəxanadadır. Hər şey yaxşı olmalıdır”, - deyə Polina Dibrova bildirib.
Müayinələrin tamamlanmasından sonra onun evə buraxılması gözlənilir.
