Pakistanda güclü partlayış olub - Ölənlər var (VİDEO)

Pakistanın Bəlucistan əyalətində güclü partlayış olub.

Median.Az xarici KİV-ə istinadən xəbər verir ki, hadisə Kvettanın Sərhəd Korpusunun (FC) qərargahı yaxınlığında baş verib.

Baş verən partlayışda azı 10 nəfər ölüb, 32 nəfər yaralanıb. Bəlucistanın Səhiyyə Naziri Baxt Məhəmməd Kakar ölən və yaralananların sayını təsdiqləyib.

Hadisənin kim və ya kimlər tərəfindən törədildiyi hələlik məlum deyil.