Yevlaxda oğurluq və narkotiklərlə əlaqəli cinayətlər törədən iki nəfər saxlanılıb

Yevlax Rayon Polis Şöbəsinin əməkdaşları tərəfindən keçirilən əməliyyat zamanı narkotik vasitələrin qanunsuz dövriyyəsində şübhəli bilinən əvvəllər məhkum olunmuş Ruslan Hüseynovdan 3 kiloqrama yaxın marixuana aşkarlanıb.

Bu barədə Daxili İşlər Nazirliyi (DİN) məlumat yayıb.

Yevlaxda polisin keçirdiyi növbəti əməliyyat zamanı rayon ərazisində 210 metr uzunluğunda rabitə kabelini oğurlayan əvvəllər məhkum olunmuş Mahmud Nadirov da saxlanılıb.

Hər iki faktla bağlı cinayət işləri başlanılıb, məhkəmənin qərarı ilə saxlanılan şəxslər barəsində həbs qətimkan tədbiri seçilib.