Azərbaycan Ordusunun Vətən müharibəsində şəhid olan əsgəri Vüsal Məmmədov Gəncədə dəfn edilib.
"Report"un məlumatına görə, dəfn mərasimində şəhidin ailə üzvləri və yaxınları, həmçinin ictimaiyyət nümayəndələri iştirak ediblər.
V.Məmmədov Şəhidlər Xiyabanında torpağa tapşırılıb.
***
Vətən müharibəsi zamanı Xocavənddə gedən döyüşlərdə şəhid olan Gəncə şəhər sakini, 23 yaşlı Vüsal Elşən oğlu Məmmədovla vida mərasimi keçirilir.
“Report”un məlumatına görə, ötən ilin noyabrından adı itkin düşən hərbçilərin siyahısında olan və dünən şəhid olduğu bilinən Vüsal Məmmədovun nəşi ailəsinə təhvil verilib.
Hazırda yaxınlarının, ictimaiyyət nümayəndələrinin və şəhər sakinlərinin iştirakı ilə vida mərasimi keçirilir.
Şəhid Gəncə şəhər Şəhidlər xiyabanında dəfn ediləcək.
Qeyd edək ki, V.Məmmədov ailənin böyük ovladı olub. Ondan kiçik bir qardaşı var.
Şahidi olduğunuz hadisələri çəkib bizə göndərin!
Son Əlavə