Vəzifəsindən azad edilən Elmar Məmmədyarov: “Evimdə oturmuşam” - MÜSAHİBƏ

Prezident İlham Əliyevin sərəncamı ilə xarici işlər naziri vəzifəsindən azad olunan Elmar Məmmədyarov Gununsesi.org-a müsahibə verib.

Müsahibəni təqdim edirik:

- Elmar müəllim, vəzifənizi itirdiniz. Özünüzü necə hiss edirsiniz?

- Vəzifə insan üçün əbədi deyil. Ona görə də özümü normal hiss edirəm. Uzun illər çalışmışam, xidmət göstərmişəm.  

- Gələcək planınız nədir? 

- Mən cəmi iki gündür ki, xarici işlər naziri vəzifəsindən azad olunmuşam. Evimdə oturmuşam. Gələcəklə bağlı hansısa qərarım yoxdur. Söz verirəm ki, hansı qərarım olsa, bunu sizlə bölüşəcəyəm.

- ABŞ-a övladlarınızın yanına gedəcəksiniz, ya Azərbaycanda qalacaqsınız?

- Dedim, axı hələ heç nə qərarlaşdırmamışam. Hansı addımı atsam, bunu biləcəksiniz.

- Yeni XİN rəhbəri Ceyhun Bayramov haqqında düşüncələriniz nədən ibarətdir? Onun diplomat kimi təcrübəsinin olmamasını xüsusi vurğulayanlar var.

- Ceyhun Bayramova uğurlar diləyirəm. Savadlı insandır. Şəxsən də tanışlığımız var. Sualınızın ikinci hissəsinə gəlincə, bu, mənə ünvanlacaq sual deyil. Ona görə də bu barədə özündən soruşsanız, daha yaxşı olardı.скачать dle 11.3

Şahidi olduğunuz hadisələri çəkib bizə göndərin!