Avtovağzalda bilet fırıldağı – Sürücülər sərnişinləri belə aldadırlar – FOTO
Bakı Beynəlxalq Avtovağzalı öz vebsaytı vasitəsilə online bilet satışı da həyata keçirir.
Ancaq sərnişinlər bu sistemin şəffaf işləmədiyini iddia edirlər. Sərnişinlərdən birinin Minval.info- a verdiyi məlumata görə, saytda satışa çıxarılan oturacaqların böyük hissəsinin satıldığı göstərilsə də, avtobus yola düşdükdən sonra yerlərin çoxu boş qalıb.
Belə ki, sərnişin bilet alarkən 36 oturacaqdan 24-nün artıq satıldığını və 8 boş yerin qaldığını görüb. Ancaq avtobus yola düşdükdən sonra sərnişin dolu göstərilən yerlərin bəzilərinin boş qaldığının fərqinə varıb.
Buradan belə nəticə çıxır ki, rayonlar arası sərnişin daşıma avtobuslarının sürücüləri özləri əvvəlcədən biletləri alır və daha sonra baha qiymətə satırlar. Beləliklə, həm xidmət səviyyəsi aşağı düşür, həm də baha qiymətə satılan biletlərin pulu kimlərinsə cibinə gedir, vergidən yayınırlar.
İddiaların həqiqiliyini yoxlamaq üçün Bakı Beynəlxalq avtovağzalının online satış sisteminə nəzər salsaq, görərik ki, martın 14-i Tovuz istiqamətində hərəkət edəcək avtobusda 41 oturacaq satışa çıxarılıb.
Onlardan 33-ü artıq satılıb, 8 boş yer öz alıcılarını gözləyir. Nəzərə alsaq ki, martın 14-i həftənin çərşənbə günüdür və Novruz bayramına da hələ çox var, deməli sərnişin sıxlığı gözlənilmir. Ancaq necə olursa biletlərin 80 %-i artıq tükənib. Əvvəlki təcrübələrə əsasən demək olar ki, sürücülər tərəfindən alınan bu biletlər də öz qiyməti – 6.78 AZN-a deyil, ən azı 10 AZN-a satılacaq.
Ancaq sərnişinlər bu sistemin şəffaf işləmədiyini iddia edirlər. Sərnişinlərdən birinin Minval.info- a verdiyi məlumata görə, saytda satışa çıxarılan oturacaqların böyük hissəsinin satıldığı göstərilsə də, avtobus yola düşdükdən sonra yerlərin çoxu boş qalıb.
Belə ki, sərnişin bilet alarkən 36 oturacaqdan 24-nün artıq satıldığını və 8 boş yerin qaldığını görüb. Ancaq avtobus yola düşdükdən sonra sərnişin dolu göstərilən yerlərin bəzilərinin boş qaldığının fərqinə varıb.
Buradan belə nəticə çıxır ki, rayonlar arası sərnişin daşıma avtobuslarının sürücüləri özləri əvvəlcədən biletləri alır və daha sonra baha qiymətə satırlar. Beləliklə, həm xidmət səviyyəsi aşağı düşür, həm də baha qiymətə satılan biletlərin pulu kimlərinsə cibinə gedir, vergidən yayınırlar.
İddiaların həqiqiliyini yoxlamaq üçün Bakı Beynəlxalq avtovağzalının online satış sisteminə nəzər salsaq, görərik ki, martın 14-i Tovuz istiqamətində hərəkət edəcək avtobusda 41 oturacaq satışa çıxarılıb.
Onlardan 33-ü artıq satılıb, 8 boş yer öz alıcılarını gözləyir. Nəzərə alsaq ki, martın 14-i həftənin çərşənbə günüdür və Novruz bayramına da hələ çox var, deməli sərnişin sıxlığı gözlənilmir. Ancaq necə olursa biletlərin 80 %-i artıq tükənib. Əvvəlki təcrübələrə əsasən demək olar ki, sürücülər tərəfindən alınan bu biletlər də öz qiyməti – 6.78 AZN-a deyil, ən azı 10 AZN-a satılacaq.
