“Azadlıq” radiosu və “Müsavat” qəzetində yazılır ki, ölkəmizdə fikirləri nəşriyyatın siyasəti ilə ziddiyyət təşkil etdiyinə görə öz fikrini ifadə etmək hüququndan məhrum olan yazıçılar var.
Onların məharətli təbliğatı nəticəsində bəzi müəlliflərin kitablarının tonqalda yandırılmalı olduğunu düşünən bir qrup insan peyda oldu. Söhbət xalq yazıçısı Anar və xalq yazıçısı Çingiz Abdullayevdən gedir”.
Bunları azərbaycanlı yazıçı, Azərbaycan Yazıçılar Birliyinin katibi Çingiz Abdullayev öz “Facebook” səhifəsində yazıb.
Ç.Abdullayev müxalifətin qarşıdakı prezident seçkilərində İlham Əliyevin namizədliyini dəstəkləyən yazıçıların kitablarını yandırmaqla bağlı çağırışlarını hiddətlə qarşılayıb.
Ç.Abdullayevin müraciətinin mətnini oxuculara təqdim edirik:
“Nə üçün? Seçkilərdə indiki prezidentin namizədliyini dəstəklədiklərinə görə? Bravo! Afərin sizə! Nədənsə bu vaxta qədər bir dəfə olsun, Xocalı soyqırımını böyük şövqlə təsvir edən, qonşu xalqın bizim torpaqlara olan iddiasını əsaslandırmağa çalışan Balayanın kitabını yandırmaq təklifi eşitmədim. Halbuki onun kitablarını heç yandırmağa lüzum da yoxdur. Onun kitabları qonşu xalqa olan zooloji nifrətin baris nümunəsidir”.
Aydın olur ki, bu azərbaycanlı müəlliflərin kitablarını yandırmaq daha xoşdur. Ancaq məsələ təkcə bununla bitmir! Orada zarafatyana Fərhad Bədəlbəylinin barmaqlarını kəsmək, Əlibəy Qasımzadənin binasını dağıtmaq təklifləri də səsləndi.
Bu siyahıya əlavələr edə bilərəm. Yəqin, Firəngiz Əlizadənin partituralarını yandırmaq, Şəfiqə Məmmədovanın filmlərini qadağan etmək, Fərhad Xəlilovun şəkillərini yandırmaq, Azərpaşanın tamaşalarını bağlamaq lazımdır.
Bəlkə, dayanaq? Anar artıq bildirib ki, onun kitablarını yandırmağa başlasalar və o, bu şərəfli siyahıya düşsə, bununla qürur duyar. Bildirmək istəyirəm ki, onu tamamilə dəstəkləyirəm, mənim üçün də bu siyahıya düşmək böyük qürur olar. Məsələn, Tomas Mann, Heyne, Feyxtvanqer, Freydin kitablarını Hitler Almaniyasının vaxtında yandırıblar.
Ancaq məni İsa Qəmbərin bu məsələdə susması təəcübləndirir, o İsa Qəmbər ki, Anar onu həbsxanadan çıxaran zaman ona zamin durmuşdu. O İsa Qəmbər ki, onu ən sadiq oxucularımdan hesab edirdim.
Azərbaycanın ən iri müxalifyönlü informasiya agentliyinin rəhbəri Mehman Əliyev niyə susur? O tutulan zaman Anar, Fərhad Bədəlbəyli və bu yazının müəllifi onun müdafiəsinə qalxmadımı?
Yəqin ki, belə də lazım imiş. Bizim ənənələr belədir. Ən üzücü tərəfi odur ki, hər ikisi bu “autodafe”nin böyük xəcalət gətirəcəyini yaxşı anlayan kifayət qədər savadlı insanlardır. Yenə də onu demək istəmirəm! Kitablarımın yandırılmalı olduğu ilə razıyam. Ancaq kitablarım axı bir çox ölkələrdə satılır.
Onları bütün dünya ölkələrindən toplamaq və yandırmaq müşkül məsələ olacaq. Üstəlik, onların çoxu artıq internetdə elektron şəkildə dərc olunub.Yandırmağa başlayın, sizə uğurlar!
İndi isə ən vacibinə gələk! Səksən yaşlı Anara zəng vurub, böyük şövqlə hansısa sarsaqların onun kitabını yandırmağa çalışdığını xəbər verən yaramazların böyük alçaqlığına diqqət çəkmək istərdim. İki ay bundan əvvəl ağır ürək əməliyyatı keçirmiş bir insana zəng edirlər. Bu şüurlu qətl deyilsə, başqa hansı adı vermək olar?
Əslində, hər şey düzdür. Heç kim başqa şey gözləmirdi. Bu “çürümüş ziyalılara” belə də lazım idi. Oxlokratiyanın hərc-mərcliyi hakimiyyətin diktatından heç də yaxşı deyil”.//oxu.az
Şahidi olduğunuz hadisələri çəkib bizə göndərin!
Son Əlavə