Mojo.az — elanlar
RU
RU
Son Xəbərlər
18:20 Gömrük nəzarətindən gizli gətirilən brend mallar aşkarlanıb | 18:17 Koroğlu metrosunda özünü bıçaqlayan gəncin cinayət işi: 4 aylıq həbs qərarı | 18:10 Ev alıb-satanda makler tələsinə düşməyin! – AÇIQLAMA | 18:06 Badamdar sakinlərinə XƏBƏRDARLIQ - Evlərini tərk etmək tövsiyə olundu | 18:04 Bakıda bağban sərxoş vəziyyətdə sürücünü bıçaqlayıb | 18:01 Evə başqa qadını gətirən atasını döyərək qabırğalarını sındırdı | 18:00 "Nvidia" investorları aldatmaqda və Çinə çip ötürməkdə şübhəli bilinir | 17:57 Hərbi qulluqçulara cərimə tətbiqi absurddur – AÇIQLAMA | 17:54 Bakıda söküntülər başlayır: həyət evləri və torpaq bahalaşacaq | 17:49 Bakıda dövlət qurumlarının iş vaxtı dəyişdi: İkiaylıq sınaq tıxacı azaltdımı? | 17:47 Bu ermənilərin pasportlarında doğum yeri “Azərbaycan” yazılacaq | 17:43 Uşaqlar bağçalarda ən çox hansı xəstəliklərə yoluxublar? | 17:25 Bakıda yeni avtobus marşrutu yaradılır | 17:18 İlham Əliyevin sosial media hesablarında Vyetnama rəsmi səfəri ilə bağlı videoçarx paylaşılıb | 17:04 Bakıda və rayonlarda yağış intensivləşəcək - Xəbərdarlıq | 16:55 Azərbaycanda qış istirahəti üçün ən maraqlı 7 məkan | 16:47 Saray körpüsündə zəncirvari qəza: Üç avtomobil toqquşdu | 16:40 Azərbaycan əhalisinin sayı açıqlandı | 16:31 Kolleclərlə bağlı vacib dəyişiklik gözlənilir | 16:25 Birinci vitse-prezident Mehriban Əliyeva Vyetnamın vitse-prezidenti ilə görüşüb - Foto |
Mojo.az Avto
Mojo.az Avto

Koroğlu metrosunda özünü bıçaqlayan gəncin cinayət işi: 4 aylıq həbs qərarı

20.11.2026 18:17 0
Koroğlu metrosunda özünü bıçaqlayan gəncin cinayət işi: 4 aylıq həbs qərarı
Bakıda sərxoş vəziyyətdə taksi sürücüsünü döyən və üzərində qanunsuz ov bıçağı gəzdirən gənc 4 ay müddətinə azadlıqdan məhrum edilib.

2005-ci ildə Sabirabad rayonunun Qaragüney kəndində anadan olmuş şəxs Cinayət Məcəlləsinin 221.1 və 228.5-ci maddələri ilə təqsirli bilinib.

Hadisə Nizami rayonu, Qara Qarayev prospekti 53A ünvanında, “LC Waikiki” mağazası ilə “Otto Dönər” kafesinin qarşısında baş verib.

Məhkəmə materiallarına əsasən, gənc tanışları ilə birlikdə spirtli içki qəbul etdikdən sonra “Bolt” vasitəsilə taksi sifariş edib. Avtomobildə musiqinin qoşulması ilə bağlı yaranan mübahisə zamanı sərnişinlərdən biri sürücünü təhqir etməyə başlayıb. Sürücü avtomobili saxlayaraq sərnişinlərdən düşmələrini istəyib.

Bundan sonra gənc taksi sürücüsünə yaxınlaşaraq onun sifət nahiyəsinə üç dəfə yumruq zərbəsi endirib. Nəticədə sürücünün üz nahiyəsində xəsarətlər yaranıb.

Araşdırma zamanı məlum olub ki, təqsirləndirilən şəxs hadisədən əvvəl əldə etdiyi ov bıçağını da üzərində gəzdirib. O, sonradan barəsində elan edilmiş axtarış nəticəsində “Koroğlu” metrostansiyasının girişində polis əməkdaşları tərəfindən saxlanılarkən bıçağı çıxararaq öz qarın nahiyəsinə xəsarət yetirib. Ekspertiza nəticəsində onun qarın boşluğuna nüfuz edən, həyat üçün təhlükəli ağır xəsarət aldığı müəyyən edilib.

Məhkəmədə təqsirləndirilən şəxs ittihamı tam etiraf edib, əməlindən peşman olduğunu və zərərçəkmişlə barışdığını bildirib. Taksi sürücüsü də təqsirləndirilən şəxslə barışdığını, ona qarşı şikayət və tələbinin olmadığını deyib.

Məhkəmə bu halları cəzanı yüngülləşdirən hallar kimi nəzərə alsa da, gəncin əvvəllər də məhkum olunduğunu və oxşar xarakterli cinayət törətdiyini qeyd edib.

Nəticədə ona xuliqanlığa görə 3 ay, soyuq silahı qanunsuz əldə edib gəzdirməyə görə isə 3 ay həbs cəzası təyin edilib. Cəzalar qismən toplanaraq qəti olaraq 4 ay müddətinə azadlıqdan məhrumetmə cəzası müəyyənləşdirilib. Hökm elan edilən kimi o, məhkəmə zalında həbsə alınıb.
//qaynar.az

Son xəbərlər