Mojo.az — elanlar
RU
RU
Son Xəbərlər
22:55 Günəşdə XXI əsrin rekordu təkrarlandı | 22:46 Orbanın qardaşı saxlanıldı | 22:35 Gəncədə motosiklet avtobusla toqquşub: Xəsarət alan var | 22:26 Lənkəranda tanınmış güləş məşqçisi vəfat etdi | 22:12 Qaxda kişi fındıq yığmağa kömək etməyən arvadını döydü, cinayət işi açıldı | 22:01 Ərdoğan: "İlham Əliyev qardaşımın liderliyi altında Qarabağda yenidənqurma səfərbərliyi həyata keçirilir" | 21:52 Pau Kubarsi "Qızıl oğlan" mükafatının qalibi oldu | 21:42 Noyabr böyük dəyişikliklər ayı olacaq: Bu bürclər üçün keçmiş geridə qalacaq | 21:35 Azərbaycan Türkiyəyə başsağlığı verdi | 21:22 Tramp səhvlərini etiraf etdi | 21:05 ChatGPT istifadəçinin psixoloji profilini yaradır: Alimlərdən yeni tapıntı | 20:59 Şəmkirdə keçmiş vəzifəli şəxs vəfat etdi | 20:50 Qələbə xəbərini xəstəxanada eşidən qazi: "Raket məni Şuşa qalasına çırpdı" - Video | 20:32 Tramp ondan İranla danışıqlarda vasitəçilik etməsini istəyib | 20:27 Rəsmi Bakı Türkiyəyə başsağlığı verdi | 20:04 Bakıda Azərbaycan və Qana arasında qarşılıqlı investisiya imkanları müzakirə olunacaq | 19:55 "Təbii Qələbə Tağı" - Mehriban Əliyeva Hacıqabul rayonundan paylaşım etdi - VİDEO | 19:31 Cəlilabadda fərdi yaşayış evi yandı (VİDEO) | 19:27 Azərbaycanın U-17 millisinin Avropa çempionatının seçmə mərhələsi üçün heyəti açıqlanıb | 19:22 ABŞ-nin vitse-prezidenti gələn həftə İran rəsmisi ilə görüşəcək |
Mojo.az Avto
Mojo.az Avto

Qonşusunu bıçaqlayan 61 yaşlı şəxs məhkəmə zalında həbs edilib

15.10.2026 22:41 462
Qonşusunu bıçaqlayan 61 yaşlı şəxs məhkəmə zalında həbs edilib
Bakıda xuliqanlıq niyyəti ilə qonşusunu bıçaqlayaraq ağır yaralayan şəxsin şərti cəzası ləğv edilib və o, məhkəmə zalında həbs olunub.

1965-ci il təvəllüdlü N.M. Bakı Ağır Cinayətlər Məhkəməsinin hökmü ilə 6 il müddətinə azadlıqdan məhrum edilsə də, cəzası şərti hesab olunub.

İttihama görə, hadisə 2025-ci ildə saat 20:00 radələrində baş verib. Sərxoş vəziyyətdə qonşusunun evinə gedən N.M. ailəni narahat etdiyinə görə iradla qarşılaşıb. Qonşusu ondan evi tərk etməsini istəyib.

Bundan sonra N.M. mətbəx bıçağı ilə qonşusunun qarın nahiyəsinin sol tərəfinə bir zərbə vurub. Zərərçəkmiş şəxsin qarın boşluğuna nüfuz edən, bağırsağın zədələnməsi və peritonitlə nəticələnən xəsarətlər aldığı müəyyən edilib. Məhkəmə-tibbi ekspertizanın rəyinə əsasən, həmin xəsarətlər həyat üçün təhlükəli olduğundan sağlamlığa ağır zərər vurulması kimi qiymətləndirilib.

Bakı Ağır Cinayətlər Məhkəməsi N.M.-yə 6 il həbs cəzası təyin etsə də, Cinayət Məcəlləsinin 70-ci maddəsini tətbiq edərək cəzanı şərti hesab edib və 2 il sınaq müddəti müəyyənləşdirib. Qərar qəbul edilərkən tərəflərin barışması, təqsirləndirilən şəxsin peşmançılığı, yaşı, səhhətindəki problemlər və yaşadığı ərazi üzrə müsbət xarakterizə olunması nəzərə alınıb.

Dövlət ittihamçısı hökmdən apellyasiya protesti verərək şərti cəzanın əsassız olduğunu bildirib. Protestdə cinayətin ağırlığı, N.M.-nin əvvəllər də məhkum edilməsi, hadisə zamanı sərxoş olması və yaraladığı şəxsə kömək etmədən hadisə yerindən uzaqlaşması vurğulanıb.

Bakı Apellyasiya Məhkəməsi prokurorun protestini təmin edib. Məhkəmə birinci instansiyanın hökmünü dəyişdirərək Cinayət Məcəlləsinin 70-ci maddəsinin tətbiqini ləğv edib.

Nəticədə N.M.-yə təyin olunmuş 6 il həbs cəzasından həbsdə və ev dustaqlığında olduğu 6 ay çıxılaraq onun 5 il 6 ay müddətinə real həbs cəzası çəkməsi qərara alınıb. Cəzanın ümumi rejimli cəzaçəkmə müəssisəsində çəkilməsi müəyyən edilib.

Məhkəmə zalında həbs edilən N.M. Bakı İstintaq Təcridxanasına göndərilib.
//qaynar.az

Son xəbərlər