Hərbi xidmətə saqqalla yollanmaq istəyənlər bu qaydanı bilməlidir – Ekspert açıqladı
Son dövrlər hərbi xidmətə çağırılan şəxslərin xarici görünüşü, xüsusilə də saqqal saxlayaraq hərbi xidmətə yollanmağın mümkün olub-olmaması maraq doğurur. Çağırışçıların hərbi xidmətə hansı xarici görünüş qaydaları ilə qəbul edilməsi və saqqal saxlamağa icazə verilib-verilməməsi müzakirə olunan məsələlərdəndir.
Bəs mövcud qaydalar bu məsələni necə tənzimləyir? Hərbi xidmətə çağırılan şəxslər saqqalla xidmətə yollana bilərlərmi?
Bu barədə Hərbi ekspert Üzeyir Cəfərov Median.Az-a açıqlamasında bildirib ki, saqqalla hərbi xidmətə getməyə icazə verilmir:
“Çağırışçılar xarici görünüşlərinə görə hərbi nizamnamənin tələblərinə cavab verməlidirlər. Onların saçları qısa, üzləri isə səliqəli olmalıdır. Hər bir hərbi qulluqçu həm geyiminə, həm də xarici görünüşünə diqqət yetirməlidir. Bəzi şəxslər bu məsələni xarici ölkələrin ordularında saqqal saxlayan hərbçilərin olması ilə əlaqələndirirlər. Azərbaycan hərbçisi öz xarici görünüşünə xüsusi diqqət yetirməlidir. Azərbaycan müharibədən çıxmış ölkədir. Əvvəllər üz nahiyəsində güllə yarası və ya digər səbəblərdən dərin çapıqları olan hərbçilərə həmin izləri örtmək məqsədilə saqqal saxlamağa icazə verilə bilərdi. Ancaq son dövrlərdə qanunvericilikdə bu məsələ ilə bağlı konkret müddəa ilə rastlaşmamışam”.
O qeyd edib ki, hərbi xidmətə çağırılan şəxslərin xarici görünüşü ilə bağlı müəyyən tələblər var:
“Hərbi qulluqçu həm davranışı, həm də görünüşü ilə başqalarına nümunə olmalıdır. Bu məsələyə komandirlər tərəfindən də nəzarət edilir. Azərbaycan Ordusunda saqqal saxlayan hərbçilərə rast gəlinmir. Üz nahiyəsində dərin çapıqları və ya müharibənin digər fəsadları olan şəxslərə isə istisna hallarda saqqal saxlamağa icazə verilə bilər. Bəziləri müharibədən sonra hərbi forma geyinərək saqqalla küçələrdə görünürlər. Lakin burada nəzərə almaq lazımdır ki, ehtiyatda olan şəxslər aktiv hərbi xidmətdə olan hərbi qulluqçularla eyni statusa malik deyillər. Bununla belə, onların da müəyyən məsuliyyətləri var və hərbi geyimdən istifadə edərkən müvafiq nizamnamələrin tələblərini nəzərə almaları vacibdir. Sıra və İntizam nizamnamələri hərbi qulluqçular üçün konkret tələblər müəyyən edir. Hər kəs bu qaydalara əməl etməlidir”.
Aysel
Bəs mövcud qaydalar bu məsələni necə tənzimləyir? Hərbi xidmətə çağırılan şəxslər saqqalla xidmətə yollana bilərlərmi?
Bu barədə Hərbi ekspert Üzeyir Cəfərov Median.Az-a açıqlamasında bildirib ki, saqqalla hərbi xidmətə getməyə icazə verilmir:
“Çağırışçılar xarici görünüşlərinə görə hərbi nizamnamənin tələblərinə cavab verməlidirlər. Onların saçları qısa, üzləri isə səliqəli olmalıdır. Hər bir hərbi qulluqçu həm geyiminə, həm də xarici görünüşünə diqqət yetirməlidir. Bəzi şəxslər bu məsələni xarici ölkələrin ordularında saqqal saxlayan hərbçilərin olması ilə əlaqələndirirlər. Azərbaycan hərbçisi öz xarici görünüşünə xüsusi diqqət yetirməlidir. Azərbaycan müharibədən çıxmış ölkədir. Əvvəllər üz nahiyəsində güllə yarası və ya digər səbəblərdən dərin çapıqları olan hərbçilərə həmin izləri örtmək məqsədilə saqqal saxlamağa icazə verilə bilərdi. Ancaq son dövrlərdə qanunvericilikdə bu məsələ ilə bağlı konkret müddəa ilə rastlaşmamışam”.
O qeyd edib ki, hərbi xidmətə çağırılan şəxslərin xarici görünüşü ilə bağlı müəyyən tələblər var:
“Hərbi qulluqçu həm davranışı, həm də görünüşü ilə başqalarına nümunə olmalıdır. Bu məsələyə komandirlər tərəfindən də nəzarət edilir. Azərbaycan Ordusunda saqqal saxlayan hərbçilərə rast gəlinmir. Üz nahiyəsində dərin çapıqları və ya müharibənin digər fəsadları olan şəxslərə isə istisna hallarda saqqal saxlamağa icazə verilə bilər. Bəziləri müharibədən sonra hərbi forma geyinərək saqqalla küçələrdə görünürlər. Lakin burada nəzərə almaq lazımdır ki, ehtiyatda olan şəxslər aktiv hərbi xidmətdə olan hərbi qulluqçularla eyni statusa malik deyillər. Bununla belə, onların da müəyyən məsuliyyətləri var və hərbi geyimdən istifadə edərkən müvafiq nizamnamələrin tələblərini nəzərə almaları vacibdir. Sıra və İntizam nizamnamələri hərbi qulluqçular üçün konkret tələblər müəyyən edir. Hər kəs bu qaydalara əməl etməlidir”.
Aysel
