Mojo.az — elanlar
RU
RU
Son Xəbərlər
23:01 Həftəsonu bu bürclərə sevgi gətirəcək | 22:56 Yer kürəsinin yeni “mini peyki” kəşf edildi | 22:51 Qış mövsümünün ən dəbli şalvar modelləri açıqlandı - YENİ TREND | 22:43 İnfarktın çoxlarının bilmədiyi əlaməti açıqlandı | 22:35 Dekabrdan bu 4 BÜRCÜN HƏYATI DƏYİŞİR | 22:30 Qaxda 30 ağac kəsildi, təbiətə 10 min ziyan dəydi - İki nəfər məsuliyyətə cəlb olundu | 22:22 Leyla Əliyeva Antalyada biomüxtəlifliyinin qorunması və ekosistemlərin bərpasını müzakirə edib | 22:17 İpoteka üçün müraciət edənlərin sayı açıqlandı | 22:10 Yolu piyada keçidindən keçmədi, həyatından oldu - VİDEO | 22:03 Sumqayıtda yol çökdü - Foto | 21:55 Mahnı qalmaqalı böyüdü: Asya Əlizadə və "Lvbel C5"ə 5 il həbs cəzası istənilir | 21:50 Kirayəçi evi boşaltmaqdan imtina edərsə, ev sahibi onu dərhal çıxara bilərmi? (ŞƏRH) | 21:44 84 təşkilatda yoxlama: Dövlət büdcəsinə 107 milyon manat qaytarıldı | 21:43 İşdə məhəbbət macərası: DOST Agentliyinin müdir müavini işdən çıxarıldı | 21:39 Bakıda tələbələri şantaj edən şəxs saxlanıldı - KMBİ görüntüləri yaydı (VİDEO) | 21:38 Şirkətlərin gömrük kartlarından 247 minlik mənimsəmə - Vəzifəli şəxsə 6 il həbs cəzası verildi | 21:32 Gündə cəmi 7 min addım demensiya riskini azaldır - Mütəxəssisdən tövsiyə | 21:24 Vaxtı keçmiş mal satan mağazalar 6 min manat cərimələnəcək | 21:19 Saç düzümü insanın xarakterini göstərə bilər - Maraqlı məqamlar | 21:13 Premyer Liqanın ən yaxşı futbolçusu seçildi |
Mojo.az Avto
Mojo.az Avto

Ermənistanın Azərbaycan və Türkiyə ilə sərhəddə dəmir yolu xəttinin bərpası tenderi baş tutmayıb

08.10.2026 12:41 381
Ermənistanın Azərbaycan və Türkiyə ilə sərhəddə dəmir yolu xəttinin bərpası tenderi baş tutmayıb
Ermənistan hökumətinin Türkiyə və Azərbaycanla sərhədə uzanan dəmir yolu xətlərinin bərpası layihələri üzrə elan etdiyi tenderlər baş tutmayıb.

Bu barədə Ermənistan mətbuatında məlumat yayılıb.

Məlumata görə, Ərazi İdarəetmə və İnfrastruktur Nazirliyi sentyabrın 3-də təcili olaraq Gümrü-Türk Qarakilsəsi-Türkiyə sərhədi və Arazdəyən-Naxçıvanla sərhəd dəmir yolu sahələrinin bərpası layihələri üzrə tender elan edib. Tenderdə iştirak etmək üçün Qazaxıstanın "Integra Construction KZ" və Özbəkistanın "BOSHTRANSLOYIHA" şirkətləri müraciət edib.

Türk Qarakilsəsi (Axurik) ərazisindəki layihə üçün Özbəkistan şirkəti 1.9 milyon dollar, Qazaxıstan şirkəti isə 3.5 milyon dollar, Arazdəyən (Yerasx) zonasındakı dəmir yolu sahəsinin bərpası üçün isə müvafiq olaraq 450 min və 890 min dollar təklif irəli sürüb. Məlumata əsasən, hər iki şirkətin müraciəti lisenziyalarının olmaması səbəbindən rədd edilib.

Nəticədə, oktyabrın 6-da tenderin baş tutmadığı bəyan edilib. Layihələr çərçivəsində hər iki xəttin ötürücülük qabiliyyətinin ildə 10 milyon tona çatdırılması, həmçinin dəmiryol stansiyalarının binalarının inşası və ya təmiri nəzərdə tutulurdu. Dövlət büdcəsindən maliyyələşdirilməsi planlaşdırılan bu layihələr 5-8 ay ərzində reallaşdırılmalı idi.

Xəbərdə bildirilir ki, layihə sənədləri erməni və rus dillərində tərtib olunmalı idi. Ermənistan hökumətinin proqramına əsasən, Nazirlər Kabineti 2031-ci ilə qədər TRIPP layihəsinin dəmir yolu infrastrukturunu fəaliyyətə başlatmağı, eləcə də Türk Qarakilsəsi-Türkiyə və Arazdəyən-Naxçıvan dəmir yolu xətlərini bərpa edərək istifadəyə verməyi hədəfləyir. Ermənistanın dəmir yolu infrastrukturu Rusiya Dəmir Yollarının törəmə müəssisəsi olan "Cənubi Qafqaz Dəmir Yolu"nun konsessiya idarəçiliyindədir.

Sərhədyanı sahələrin bərpası ilə bağlı müzakirələr fonunda baş nazir Nikol Paşinyan daha əvvəl konsessiya idarəçiliyinin həm İrəvana, həm də Moskvaya dost olan üçüncü ölkəyə verilməsi məsələsinin nəzərdən keçirilməsini təklif etmişdi. O, mümkün variantlar kimi Qazaxıstan, BƏƏ və Qətərin adını çəkib. Oktyabr ayında Rusiya baş nazirinin müavini Aleksey Overçuk bildirib ki, Moskva Arazdəyəndən Naxçıvana və Gümrüdən Türkiyəyə qədər olan dəmir yolu xətlərini birgə bərpa etmək təklifinə Ermənistanın reaksiyasını gözləyir.

Son xəbərlər