Bu gün Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII Zirvə toplantısı öz işinə başlayır. Azərbaycanın sədrliyi ilə keçirilən bu mötəbər tədbir təkcə Asiya ölkələri arasında əməkdaşlığın genişləndirilməsi deyil, həm də qlobal iqtisadi və geosiyasi proseslərdə Azərbaycanın mövqeyinin möhkəmləndirilməsi baxımından mühüm əhəmiyyət daşıyır.

Azərbaycanın qarşısında hansı fürsətlər açılır?
Mövzu ilə bağlı Median.Az-a açıqlama verən iqtisadçı Natiq Cəfərli bildirib:

"Təbii ki, bu görüş və sammit Azərbaycanın iqtisadi, geosiyasi mövqelərinin möhkəmlənməsində mühüm rol oynayan bir görüşdür. Bunu görüşlərin sayından, gələn qonaqlardan və qəbul olunmuş qərarlardan da görmək olar. 

Natiq Cəfərlinin sözlərinə görə, Azərbaycanın sədrliyi daha 2 il uzadıldı. Bu da  yaxşı xəbərdir. "Əslində bu konfransın əsas mövzularından biri  logistikadır. Enerji və yük tranzitində də çox mühüm qərarların qəbul olunduğunu görürük. Eyni zamanda gələcəklə bağlı planlar da açıqlanıb. Yəni, bu konfrans və bu toplantı Azərbaycanın logistik mərkəzi həm yük daşımalarında, həm enerji, həm də yüksək texnologiyalar və informasiyalar toplamaqda regional mərkəz olmaq yolunda atılan növbəti addımdır", — deyə iqtisadçı sonda vurğulayıb. 

Dəniz Pənahova 
Median.Azскачать dle 11.3