Müğənni Səidə Sultan bir neçə gün əvvəl hündürmərtəbəli binadan iti atan və buna görə 25 sutka inzibati həbs cəzası alan şəxslə bağlı paylaşım edib.

Median.Az xəbər verir ki, ifaçı yayımladığı videoda heyvana qarşı zorakılığa etirazını bildirib. O, həmin şəxsin cəzasının uzadılmasını istəyib:

“Hamının gördüyü və təsirindən çıxa bilmədiyimiz hadisə: dörd uşaq atası hamilə iti döyür və eyvandan atıb öldürür. Buna 25 sutka iş veriblər. Bunu heyvana, yaxud insana etdi, fərqi nədir? Maraqlanıldımı ki, uşaqlarına bu zorakılığı edib, ya yox? Sabah bunu insana da edər.

Vətəndaş olaraq tələbimizdir: işə ciddi baxılsın. Belə insanları 25 gündən sonra çölə çıxartmayın. Camaatın uşağını bədbəxt etməyin. Hakimlər, sizin işiniz necə gözəl haqq işidir. Bundan düzgün istifadə edin. 25 sutka nədir? Heyvanın dili yoxdur deyə bilmir. Sabah başqasının balasına edəcək”.\\axsam.azскачать dle 11.3