Müşfiqabadda sürüşmə təhlükəsi getdikcə artır - Video

Qaradağ rayonun Müşfiqabad qəsəbəsində yaşayış binasının ətrafında sürüşmə təhlükəsi getdikcə artır.

Median.Az Xəzər Tv-yə istinadən xəbər verir ki, güclü yağış və sel nəticəsində vermiş uçqun isə hələ də aradan qaldırılmayıb.

İri beton konstruksiyalar avtomobillərin üzərinə aşıb.

Qaradağ rayonunun Müşfiqabad qəsəbəsinin sakinləri deyirlər ki, bir müddət əvvəl yağan güclü yağış və sel nəticəsində yaranan uçqun və torpaq sürüşməsinin fəsadları hələ də aradan qaldırılmayıb. Əksinə, ərazidə vəziyyətin daha da ağırlaşdığı, yaşayış binasının ətrafında uçqun təhlükəsinin yarandığı bildirilir.

Sakinlərin sözlərinə görə, sürüşmə nəticəsində binanın ətrafında torpaq qatında ciddi dəyişikliklər baş verib. Hazırda ərazidə uçqun təhlükəsinin olması və yaşayış binasında bəzi çatların əmələ gəlməsi sakinlərin narahatlığını artırıb. Onlar mümkün təhlükənin qarşısının vaxtında alınmasını və ərazidə təhlükəsizlik tədbirlərinin görülməsini istəyirlər.

Məsələ ilə bağlı Qaradağ Rayon Mənzil-Kommunal Təsərrüfat Birliyindən bildirildi ki, problemin aradan qaldırılması məqsədilə FHN-ə və digər aidiyyəti qurumlara müraciət olunub. Müraciətə yenidən baxılacağı və problemin həlli üçün müvafiq tədbirlərin görüləcəyi bildirilib.