Hacıqabul rayonunda qayınata kürəkənini çomaqla döyüb.

Hadisəyə səbəb kürəkənin evə içkili gəlməsi olub. 1965-ci il təvəllüdlü Müqabil Məmmədov (ad və soyad şərtidir - red.) qızı və kürəkəni ilə qonşuluqda yaşayıb. Bir neçə gün əvvəl M.Məmmədov gecə yatdığı vaxt qızı uşaqları ilə birlikdə onlara gəlib. Qızı bildirib ki, həyat yoldaşı sərxoş vəziyyətdə evə gələrək onu döyüb, evdən qovub.

M.Məmmədov özü ilə çomaq götürərək kürəkəninin evinə gedib və onun sərxoş vəziyyətdə olduğunu görüb. Onlar arasında mübahisə yaranıb və M.Məmmədov kürəkəninə çomaqla baş və bədən nahiyələrindən zərbələr endirib.

Hadisə yerinə polis əməkdaşları gəliblər və M.Məmmədov saxlanılıb. Faktla bağlı cinayət işi başlanılıb və iş məhkəməyə göndərilib. Hacıqabul Rayon Məhkəməsində keçirilən prosesdə tərəflər arasında barışıq elan olunub və zərərçəkmişə dəymiş ziyan ödənilib. Məhkəmənin qərarı ilə cinayət işinə xitam verilib.
//oxu.azскачать dle 11.3