Bakıda qadın sərxoş vəziyyətdə olan sevgilisini evindən qovmaq istədiyi üçün bıçaqlanıb.

Hadisə paytaxtın Suraxanı rayonu ərazisində baş verib. Cəlilabad rayon sakini, 1997-ci il təvəllüdlü Fərid Azadov (ad və soyad şərtidir) Bakıya işləmək üçün gəlib və bir xanımla tanış olub. Bir müddətdən sonra cütlük arasında münasibət yaranıb və onlar sevgili olublar. Cütlük qadının evində birlikdə yaşamağa qərar verib.

Bir neçə gün öncə Fərid spirtli içki qəbul edərək sərxoş vəziyyətdə evə gəlib. Qadın onun sərxoş olduğunu görüb və buna görə Fəridə irad bildirib. İrad Fəridin xoşuna gəlməyib və cütlük arasında mübahisə yaranıb. Mübahisə zamanı qadın Fəridi evindən qovmaq istəyib. Nəticədə Fərid mətbəxdən bıçağı götürərək qadını qolundan bıçaqlayıb. O, daha sonra sevgilisinə baş və bədənin müxtəlif nahiyələrindən yumruq və təpik zərbələri endirib.

Hadisə yerinə polis əməkdaşları gəliblər və F.Azadov saxlanılıb. Faktla bağlı cinayət işi başlanılıb, iş məhkəməyə göndərilib.

Suraxanı Rayon Məhkəməsində keçirilən prosesdə cütlük barışıb və zərərçəkmişə dəymiş ziyan ödənilib. Məhkəmə barışığı nəzərə alaraq, cinayət işinə xitam verib.
//oxu.azскачать dle 11.3