2026-cı ilin iyununda may ayı ilə müqayisədə Bakıda torpaq və fərdi yaşayış evləri bahalaşıb.

Median.Az “Teleqraf”a istinadən xəbər verir ki, bu barədə Azərbaycan Qiymətləndiricilər Cəmiyyətindən bildirilib.

Məlumata görə, iyunda inzibati rayonlar üzrə torpaq bazarında ən yüksək qiymət artımı Sabunçu, Suraxanı və Xəzər rayonlarında qeydə alınıb.

Belə ki, Sabunçuda bahalaşma 3,7%, Suraxanıda 3,5%, Xəzərdə isə 3,2% olub. Binəqədidə torpaq bazarında qiymətlər 3,3%, Qaradağda 3%, Xətaidə 2,9%, Səbaildə isə 2,8% artıb.

Bundan əlavə, Nərimanov rayonunun torpaq bazarında 2,7%-lik qiymət artımı qeydə alınıb. Yasamal, Nəsimi və Nizami rayonlarının hər birində qiymətlər 2,6%, Pirallahıda isə 2,3% yüksəlib.

Qeyd edək ki, paytaxtda fərdi yaşayış evləri üzrə ən yüksək bahalaşma Xəzər rayonunda (2,5%) qeydə alınıb. Sabunçuda qiymətlər 2,3%, Binəqədi və Suraxanıda 2,2%, Qaradağda isə 1,8% artıb.

Nərimanov, Xətai və Nizami rayonlarında artım 1,7%, Yasamal və Pirallahıda 1,6%, Səbail və Nəsimi rayonlarında isə 1,5% təşkil edib.скачать dle 11.3