Gecə istiliyinə qalib gəlmək: Ekspert ən yaxşı yuxu pozasını açıqladı
İsti yay gecələri yuxunun keyfiyyətini ciddi şəkildə pisləşdirə bilər, lakin məlum olub ki, hətta yataqda bədənin vəziyyəti belə yuxuya getməyi asanlaşdırır.
Qaynarinfo xəbər verir ki, bu barədə "The Mirror” yazır.
Yuxu üzrə məsləhətçi doktor Elli Geyrin sözlərinə görə, bir mövqe bədənin daha yaxşı soyumasına kömək edir və boğucu havada belə rahat istirahət imkanı yaradır. Mütəxəssisin fikrincə, isti gecələr üçün ən yaxşı seçim "dəniz ulduzu” pozasıdır – insanın arxası üstə uzanaraq qollarını və ayaqlarını geniş açdığı vəziyyət. Bu poza bədən ətrafında hava dövranını yaxşılaşdırır və istiliyin təbii şəkildə yayılmasına kömək edir.
Doktor Geyr izah edib ki, yuxu zamanı həddindən artıq isinmə həm yuxunun müddətinə, həm də keyfiyyətinə ciddi təsir göstərir: "Yuxu zamanı həddindən artıq isinmə onun keyfiyyətini əhəmiyyətli dərəcədə pisləşdirə və müddətini azalda bilər. Xüsusilə gecə yüksək temperatur dərin yuxu fazasını azaldır – biz məhz bu mərhələdən sonra özümüzü daha gümrah hiss edirik".
İnsan artıq yatdıqda, bədənin vəziyyəti mühüm rol oynaya bilər. "Dəniz ulduzu pozasında yatmaq bədən ətrafında hava dövranını yaxşılaşdırır və daha komfortlu gecə istirahətinə şərait yaradır”, deyə ekspert qeyd edib.
Hər kəs yataqda bu qədər sərbəst uzana bilmir, xüsusilə də yataq bölüşülürsə. Bu halda mütəxəssislər yan üstə yatmağı tövsiyə edir. Doktor Geyrin sözlərinə görə, bu poza da bədənin soyumasına kömək edir: "Bu vəziyyət kürəkdən istiliyin yayılmasına şərait yaradır və daha sərin hiss etməyə imkan verir".
Ekspert qeyd edir ki, bədən temperaturunun tənzimlənməsində kifayət qədər maye qəbulu mühüm rol oynayır: "Su balansı bədən temperaturunun idarə olunması üçün çox vacibdir. Gündüz ərzində kifayət qədər su içməyə çalışın ki, orqanizm gecə artıq istiliyi daha yaxşı tənzimləsin".
O həmçinin suyun əsas hissəsini axşama saxlamağı məsləhət görmür: "Gün ərzində bərabər şəkildə su içmək daha yaxşıdır, beləliklə yatmazdan əvvəl çox maye qəbul etməyə ehtiyac qalmır və bu yuxunun keyfiyyətinə müsbət təsir edir".
Doktor Geyr yatmazdan əvvəl soyuq deyil, ilıq duş qəbul etməyi tövsiyə edir: "Yatmazdan təxminən bir saat əvvəl ilıq duş bədənin təbii soyuma mexanizmini aktivləşdirir. Bu, dəridəki qan damarlarının genişlənməsinə səbəb olur və daha sonra bədən istiliyi daha effektiv şəkildə xaric edilir".
Qeyri-adi tövsiyələrdən biri də corablarla bağlıdır: onları azca isladıb 10 dəqiqəlik dondurucuya qoymaq.
"Ayaqlar bədən temperaturunun tənzimlənməsində mühüm rol oynayır. Soyudulmuş corablar geyindikdə orqanizm daha tez sərinlik hiss edir və bu, yuxuya getməyi asanlaşdıra bilər”, deyə ekspert bildirib.
Həmçinin ən vacib üsullardan biri düzgün yataq dəstinin seçilməsidir. Mütəxəssislər ağır sintetik materiallardan imtina edərək pambıq və ya bambuk kimi təbii parçalara üstünlük verməyi tövsiyə edirlər. Bu materiallar havanı daha yaxşı keçirir və yay gecələrində yaranan boğucu hissi azaldır.
Qaynarinfo xəbər verir ki, bu barədə "The Mirror” yazır.
Yuxu üzrə məsləhətçi doktor Elli Geyrin sözlərinə görə, bir mövqe bədənin daha yaxşı soyumasına kömək edir və boğucu havada belə rahat istirahət imkanı yaradır. Mütəxəssisin fikrincə, isti gecələr üçün ən yaxşı seçim "dəniz ulduzu” pozasıdır – insanın arxası üstə uzanaraq qollarını və ayaqlarını geniş açdığı vəziyyət. Bu poza bədən ətrafında hava dövranını yaxşılaşdırır və istiliyin təbii şəkildə yayılmasına kömək edir.
Doktor Geyr izah edib ki, yuxu zamanı həddindən artıq isinmə həm yuxunun müddətinə, həm də keyfiyyətinə ciddi təsir göstərir: "Yuxu zamanı həddindən artıq isinmə onun keyfiyyətini əhəmiyyətli dərəcədə pisləşdirə və müddətini azalda bilər. Xüsusilə gecə yüksək temperatur dərin yuxu fazasını azaldır – biz məhz bu mərhələdən sonra özümüzü daha gümrah hiss edirik".
İnsan artıq yatdıqda, bədənin vəziyyəti mühüm rol oynaya bilər. "Dəniz ulduzu pozasında yatmaq bədən ətrafında hava dövranını yaxşılaşdırır və daha komfortlu gecə istirahətinə şərait yaradır”, deyə ekspert qeyd edib.
Hər kəs yataqda bu qədər sərbəst uzana bilmir, xüsusilə də yataq bölüşülürsə. Bu halda mütəxəssislər yan üstə yatmağı tövsiyə edir. Doktor Geyrin sözlərinə görə, bu poza da bədənin soyumasına kömək edir: "Bu vəziyyət kürəkdən istiliyin yayılmasına şərait yaradır və daha sərin hiss etməyə imkan verir".
Ekspert qeyd edir ki, bədən temperaturunun tənzimlənməsində kifayət qədər maye qəbulu mühüm rol oynayır: "Su balansı bədən temperaturunun idarə olunması üçün çox vacibdir. Gündüz ərzində kifayət qədər su içməyə çalışın ki, orqanizm gecə artıq istiliyi daha yaxşı tənzimləsin".
O həmçinin suyun əsas hissəsini axşama saxlamağı məsləhət görmür: "Gün ərzində bərabər şəkildə su içmək daha yaxşıdır, beləliklə yatmazdan əvvəl çox maye qəbul etməyə ehtiyac qalmır və bu yuxunun keyfiyyətinə müsbət təsir edir".
Doktor Geyr yatmazdan əvvəl soyuq deyil, ilıq duş qəbul etməyi tövsiyə edir: "Yatmazdan təxminən bir saat əvvəl ilıq duş bədənin təbii soyuma mexanizmini aktivləşdirir. Bu, dəridəki qan damarlarının genişlənməsinə səbəb olur və daha sonra bədən istiliyi daha effektiv şəkildə xaric edilir".
Qeyri-adi tövsiyələrdən biri də corablarla bağlıdır: onları azca isladıb 10 dəqiqəlik dondurucuya qoymaq.
"Ayaqlar bədən temperaturunun tənzimlənməsində mühüm rol oynayır. Soyudulmuş corablar geyindikdə orqanizm daha tez sərinlik hiss edir və bu, yuxuya getməyi asanlaşdıra bilər”, deyə ekspert bildirib.
Həmçinin ən vacib üsullardan biri düzgün yataq dəstinin seçilməsidir. Mütəxəssislər ağır sintetik materiallardan imtina edərək pambıq və ya bambuk kimi təbii parçalara üstünlük verməyi tövsiyə edirlər. Bu materiallar havanı daha yaxşı keçirir və yay gecələrində yaranan boğucu hissi azaldır.
