Bakıda manatlıq taksidə 16 yaşlı oğlana qarşı seksual xarakterli təzyiqdə şübhəli bilinən sürücü saxlanıldı

Bakıda yetkinlik yaşına çatmayan şəxsə qarşı hüquqazidd hərəkətlər törətməkdə şübhəli bilinən taksi sürücüsü saxlanılıb.

Oxu.az-ın məlumatına görə, faktla bağlı Cinayət Məcəlləsinin müvafiq maddəsi ilə cinayət işi başlanılıb.

Hazırda hadisə ilə bağlı istintaq hərəkətləri davam etdirilir.

* * * * *

Bakıda 16 yaşlı məktəbli oğlan manatlıq taksidə sürücü tərəfindən seksual xarakterli təzyiqə məruz qaldığını bildirib.

Median.Az Baku.ws-ə istinadən xəbər verir ki, hadisə oktyabrın 20-də saat 21 radələrində baş verib.

Belə ki, 11-ci sinif şagirdi dərsdən qayıdarkən metronun "Koroğlu" stansiyasından Buzovna qəsəbəsinin "Albalılıq" massivinə gedən manatlıq taksiyə minib. İddia olunur ki, avtomobildə tək qaldığı zaman sürücü onunla əxlaqsız söhbətlər edib və seksual xarakterli fiziki təzyiq göstərib.

Əldə etdiyimiz məlumata görə, hadisə polis tərəfindən araşdırılır.