Cərimə ballarının artırılması təklif olunur: Hansı sürücülərə şamil oluna bilər?
Milli Məclisdə cərimə ballarının 20-dən 50-yə çatdırılması təklifi müzakirə olunur. Bildirilir ki, sürücülük hüququndan məhrum edilən şəxslər bu müddətdə gəlir əldə etməkdə, ailə öhdəliklərini yerinə yetirməkdə çətinlik çəkirlər.
Bir sıra hallarda isə işəgötürənlər sürücülük vəsiqəsini itirmiş əməkdaşlarla əmək münasibətlərinə xitam vermək məcburiyyətində qalırlar. Nəticədə qısamüddətli sürücülük hüququ məhdudiyyəti belə uzunmüddətli işsizliyə, kredit öhdəliklərinin yerinə yetirilməməsinə və ailədaxili problemlərə səbəb ola bilir. Təklif müəllifləri hesab edirlər ki, 20 ballıq hədd peşəkar sürücülər üçün qeyri-ədalətli yanaşmadır.
Mövzu ilə bağlı Qaynarinfo-ya danışan nəqliyyat məsələləri üzrə ekspert Eldəniz Cəfərov bildirib ki, məsələ Milli Məclisdə müzakirəyə çıxarılıbsa, cərimə ballarının limitinin artırılması ehtimalı yüksəkdir:
"Lakin limitin konkret olaraq neçə bala qədər yüksəldiləcəyini indidən demək çətindir. Əgər dəyişiklik qəbul olunarsa, bu, bütün sürücülərə şamil ediləcək. Hər hansı sürücü kateqoriyası üçün ayrıca bal limiti müəyyənləşdirilməsi nəzərdə tutulmur”.
Ekspertin sözlərinə görə, cərimə balı həddinin artırılması sürücülər üçün müəyyən rahatlıq yarada bilər, lakin bu, yol hərəkəti qaydalarının pozulmasına bəraət qazandırmır:
"Əksinə, əsas məqsəd qayda pozuntularının qarşısını almaq olmalıdır. Bal limitinin artırılması avtomatik olaraq qəzaların azalacağı və ya bütün sürücülərin qaydalara tam əməl edəcəyi anlamına gəlmir. Bu qərar daha çox humanist yanaşma kimi qiymətləndirilə bilər”.
Bir sıra hallarda isə işəgötürənlər sürücülük vəsiqəsini itirmiş əməkdaşlarla əmək münasibətlərinə xitam vermək məcburiyyətində qalırlar. Nəticədə qısamüddətli sürücülük hüququ məhdudiyyəti belə uzunmüddətli işsizliyə, kredit öhdəliklərinin yerinə yetirilməməsinə və ailədaxili problemlərə səbəb ola bilir. Təklif müəllifləri hesab edirlər ki, 20 ballıq hədd peşəkar sürücülər üçün qeyri-ədalətli yanaşmadır.
Mövzu ilə bağlı Qaynarinfo-ya danışan nəqliyyat məsələləri üzrə ekspert Eldəniz Cəfərov bildirib ki, məsələ Milli Məclisdə müzakirəyə çıxarılıbsa, cərimə ballarının limitinin artırılması ehtimalı yüksəkdir:
"Lakin limitin konkret olaraq neçə bala qədər yüksəldiləcəyini indidən demək çətindir. Əgər dəyişiklik qəbul olunarsa, bu, bütün sürücülərə şamil ediləcək. Hər hansı sürücü kateqoriyası üçün ayrıca bal limiti müəyyənləşdirilməsi nəzərdə tutulmur”.
Ekspertin sözlərinə görə, cərimə balı həddinin artırılması sürücülər üçün müəyyən rahatlıq yarada bilər, lakin bu, yol hərəkəti qaydalarının pozulmasına bəraət qazandırmır:
"Əksinə, əsas məqsəd qayda pozuntularının qarşısını almaq olmalıdır. Bal limitinin artırılması avtomatik olaraq qəzaların azalacağı və ya bütün sürücülərin qaydalara tam əməl edəcəyi anlamına gəlmir. Bu qərar daha çox humanist yanaşma kimi qiymətləndirilə bilər”.
