"WhatsApp"da YENİLİK - Ödənişli abunəliklər yaradılır

WhatsApp" bir neçə ödənişli abunəlik hazırlayır.

Məlumatı "WhaBetaInfo" yayıb.

Qeyd olunub ki, şirkət hazırda genişləndirilmiş xüsusiyyətlər təklif edəcək yeni plan üzərində işləyir:

"İstifadəçilər buna abunə ola və tətbiqi fərdiləşdirmək üçün əlavə xüsusiyyətlər əldə edə biləcəklər. Bura premium stikerlər, yeni mövzular, üçdən çox söhbəti sancaqlamaq imkanı, mesajlar üçün ayrıca zəng melodiyaları toplusu və alternativ tətbiq nişanlarının seçimi daxildir.

Abunəliyin qiyməti hələ açıqlanmayıb və ölkələrə görə dəyişəcək. Funksiya toplusu rəsmi istifadəyə verilməzdən əvvəl dəyişə və istifadəçi rəylərinə əsasən zamanla oraya yeni funksiyalar əlavə oluna bilər.

Eksklüziv funksiyalara malik yeni abunəlik reklamsız plandan ayrı mövcud olacaq və "Yeniləmələr" bölməsində yer alacaq. Mesencerin məxfilik siyasəti dəyişməz qalacaq, əsas funksiyalar və şəxsi mesajlaşma üçün ödəniş tələb olunmayacaq".

Qeyd edək ki, bundan əvvəl "WhatsApp"da istifadəçilərə reklam olmadan statuslara baxmağa imkan verən ödənişli abunəliyin dövriyyəyə buraxılacağı barədə məlumat verilmişdi.