Yenidoğulmuş körpənin ölümünə görə həkimə elektron qolbaq taxıldı
Şirvan Apellyasiya Məhkəməsində Sabirabad Rayon Mərkəzi Xəstəxanasının Regional Perinatal Mərkəzin doğum evində 1989-cu il təvəllüdlü Günay Ağayevanın yenidoğulmuş körpəsinin ölməsi ilə bağlı təqsirli bilinən Mərkəzin Doğum şöbəsinin həkim mama-ginekoloqu Naibə Mahmudovanın barəsindəki hökmdən verilən apellyasiya şikayəti üzrə məhkəmə iclası başa çatıb.
Median.Az Pravda.az-a istinadla xəbər verir ki, sonuncu prosesdə qərar elan olunub.
Qərara əsasən, apellyasiya şikayəti qismən təmin edilib, Sabirabad Rayon Məhkəməsinin hökmü təqsirləndirilən şəxsin Cinayət Məcəlləsinin 313-cü (vəzifə saxtakarlığı) maddəsi ilə təqsirli bilinməsi hissəsində ləğv edilib. Cinayət-Prosessual Məcəlləsinin 42.1.2-ci maddəsinə əsasən, əməldə cinayət tərkibi olmadığına görə ona CM-in 313-cü maddəsi ilə bəraət verilib. Naibə Mahmudovanın əməli CM-in 314.2-ci (Səhlənkarlıq) maddəsindən həmin məcəllənin 142.4-cü (Tibbi xidmətin göstərilməsi qaydalarını pozma) maddəsinə tövsif edilib. Təqsirləndirilən şəxs CM-in 142.4-cü maddəsi ilə nəzərdə tutulmuş cinayəti törətməkdə təqsirli bilinib, barəsində CM-in 62-ci maddəsi tətbiq olunaraq müəyyən fəaliyyətlə məşğul olma hüququndan məhrum edilməməklə iki il müddətinə azadlığın məhdudlaşdırılması (elektron qolbaq) cəzasına məhkum olunub.
Qeyd edək ki, aparılmış araşdırmalarla sözügedən mərkəzin Doğum şöbəsinin həkim mama-ginekoloqu Naibə Mahmudova və həkim-neonatoloqu Gülnarə İmanova tərəfindən tibbi yardımın tam həcmdə göstərilməməsi, yəni doğuşdan öncə dölün vəziyyətinin düzgün qiymətləndirilməməsi, Günay Ağayevaya diaqnozun düzgün təyin edilməməsi, tibbi göstəriş olmasına baxmayaq, əməliyyatın gecikdirilməsi, həmçinin yenidoğulmuşun real vəziyyətinin düzgün qiymətləndirilməməsi və zəruri tibbi yardımın tam həcmdə göstərilməməsi nəticəsində yenidoğulmuş körpənin ölməsinə əsaslı şübhələr müəyyən edilib.
Faktla bağlı Sabirabad Rayon Prokurorluğunda Cinayət Məcəlləsinin 314.2-ci (səhlənkarlıq ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb.
Sabirabad Rayon Məhkəməsinin 31 yanvar 2025-ci il tarixli hökmü ilə ona bir il müddətinə mama-ginekoloq fəaliyyəti ilə məşğul olmaq hüququndan məhrum edilməklə üç il müddətinə azadlığın məhdudlaşdırılması cəzası təyin edilmişdi.
Median.Az Pravda.az-a istinadla xəbər verir ki, sonuncu prosesdə qərar elan olunub.
Qərara əsasən, apellyasiya şikayəti qismən təmin edilib, Sabirabad Rayon Məhkəməsinin hökmü təqsirləndirilən şəxsin Cinayət Məcəlləsinin 313-cü (vəzifə saxtakarlığı) maddəsi ilə təqsirli bilinməsi hissəsində ləğv edilib. Cinayət-Prosessual Məcəlləsinin 42.1.2-ci maddəsinə əsasən, əməldə cinayət tərkibi olmadığına görə ona CM-in 313-cü maddəsi ilə bəraət verilib. Naibə Mahmudovanın əməli CM-in 314.2-ci (Səhlənkarlıq) maddəsindən həmin məcəllənin 142.4-cü (Tibbi xidmətin göstərilməsi qaydalarını pozma) maddəsinə tövsif edilib. Təqsirləndirilən şəxs CM-in 142.4-cü maddəsi ilə nəzərdə tutulmuş cinayəti törətməkdə təqsirli bilinib, barəsində CM-in 62-ci maddəsi tətbiq olunaraq müəyyən fəaliyyətlə məşğul olma hüququndan məhrum edilməməklə iki il müddətinə azadlığın məhdudlaşdırılması (elektron qolbaq) cəzasına məhkum olunub.
Qeyd edək ki, aparılmış araşdırmalarla sözügedən mərkəzin Doğum şöbəsinin həkim mama-ginekoloqu Naibə Mahmudova və həkim-neonatoloqu Gülnarə İmanova tərəfindən tibbi yardımın tam həcmdə göstərilməməsi, yəni doğuşdan öncə dölün vəziyyətinin düzgün qiymətləndirilməməsi, Günay Ağayevaya diaqnozun düzgün təyin edilməməsi, tibbi göstəriş olmasına baxmayaq, əməliyyatın gecikdirilməsi, həmçinin yenidoğulmuşun real vəziyyətinin düzgün qiymətləndirilməməsi və zəruri tibbi yardımın tam həcmdə göstərilməməsi nəticəsində yenidoğulmuş körpənin ölməsinə əsaslı şübhələr müəyyən edilib.
Faktla bağlı Sabirabad Rayon Prokurorluğunda Cinayət Məcəlləsinin 314.2-ci (səhlənkarlıq ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb.
Sabirabad Rayon Məhkəməsinin 31 yanvar 2025-ci il tarixli hökmü ilə ona bir il müddətinə mama-ginekoloq fəaliyyəti ilə məşğul olmaq hüququndan məhrum edilməklə üç il müddətinə azadlığın məhdudlaşdırılması cəzası təyin edilmişdi.
