Kaliforniya universitetinin amerikalı alimləri birdəfəlik elektron siqaretlərlə bağlı həyəcanlı faktlar açıqlayıblar.
Bu barədə araşdırma ACS Central Science (ACS CS) elmi jurnalında dərc olunub.
Mütəxəssislər müəyyən ediblər ki, bir günlük istifadə zamanı bəzi veyplər 20 qutu adi siqaretdə olandan daha çox qurğuşun buraxa bilər. Buxarlarda kanserogen nikel və sürmə də aşkar edilib və onların konsentrasiyası hər yeni üfürmə ilə artır.
Tədqiqata rəhbərlik edən professor Brett Poulin deyib: “Nəticələrimiz bu cihazların, xüsusən də onların əsas istehlakçıları olan yeniyetmələr və gənclərin gizli təhlükələrini göstərir”.
Yeddi məşhur veyp modeli ilə bir sıra testlər apardıqdan sonra tədqiqatçılar zəhərli metalların mayeyə həm cihazın komponentlərindən, həm də qızdırıcı batareyalardan daxil olduğunu aşkar ediblər.
Yoxlanılan cihazlardan üçünün nikel səviyyəsi kanserogen risk həddini, dördü isə neyrotoksiklik həddini keçib. Bu cür veyplərin müntəzəm istifadəsi xərçəng, sinir sisteminə zərər və tənəffüs xəstəliklərinin inkişaf riskini əhəmiyyətli dərəcədə artırır.
Eyni zamanda, dünyanın bir çox ölkələrində qadağalara baxmayaraq, bu məhsullar istehlakçılar bu məhsulu asanlıqla əldə ediblər.
Şahidi olduğunuz hadisələri çəkib bizə göndərin!
Son Əlavə