İlham Əliyev Monqolustan prezidenti ilə görüşdü - FOTO (YENİLƏNİB) » Median.Az - Bütün xəbərlər bir ünvanda
15:24 Məzuniyyət götürüb Rusiyaya getmişdi, faciəli şəkildə öldü  |     15:16 Qabil Məmmədova qiyabi HÖKM OXUNUB  |     14:51 Azərbaycanda istilik tarifləri ARTIRILDI  |     14:14 Azərbaycan qazının bu həftədən etibarən Suriyaya nəqli başlanılır  |     13:40 Gürcüstan qeyri-qanuni mühacirləri deportasiya edib: Aralarında azərbaycanlı da var  |     13:38 Yekaterinburqda Azərbaycan diasporu rəhbərinin oğlu ilə bağlı məhkəmə qərarı qüvvədə saxlanıldı  |     13:36 Ötən ay xaricdə təhsil almış 46 nəfərin diplomu tanınmayıb - SƏBƏB  |     13:36 Lənkəranda sahibkar nöqsanlara görə cəzalandırıldı  |     13:34 Tailand Kambocanı yenidən atəşkəsi pozmaqda ittiham etdi  |     13:11 DİM-dən imtahan qaydalarını pozan şəbəkənin ifşa olunması ilə bağlı AÇIQLAMA  |     12:58 Tülin yumruğa görə cəzalandırıldı - Elektron qolbaq taxılacaq  |     12:56 Polşada azərbaycanlı tələbəyə HÜCUM: "Səfirliyə zəng etdim, heç kim cavab vermədi"  |     12:52 Astarada 55 yaşlı qadın qətlə yetirildi - Gəlini şübhəli bilinir (Yenilənib)  |     12:51 Şamaxıda şərab zavodunda YANĞIN  |     12:49 Ağdamda bağça müdiri rüşvətə görə həbs edildi  |     12:49 Özbəkistanda müğənni əri tərəfindən öldürüldü  |     12:48 Yer kürəsi sakinlərini ən uzun günəş tutulmalarından biri gözləyir: Harada və nə vaxt izləmək olar?  |     12:42 Abşeron dairəvi dəmir yolu marşrutu genişlənir – Yeni dayanacaqlar istifadəyə veriləcək  |     12:40 İranlı general Tehranda "Mossad" agentləri ilə atışmada ölübmüş  |     12:38 Xırdalan sakinləri suya həsrət qalıblar: Problem nə vaxt həll olunacaq? - Video  |    

İlham Əliyev Monqolustan prezidenti ilə görüşdü - FOTO (YENİLƏNİB)

Azərbaycan Respublikasının Prezidenti İlham Əliyev noyabrın 11-də Monqolustan Prezidenti Uxnaaqiyn Xurelsux ilə görüşüb.

AZƏRTAC xəbər verir ki, dövlətimizin başçısı Monqolustan Prezidentini Bakıda görməkdən məmnunluğunu ifadə edərək, dəvəti qəbul edib COP29-da iştirak etdiyinə görə ona minnətdarlığını bildirib. Prezident İlham Əliyev bu görüşün Uxnaaqiyn Xurelsux ilə ilk görüş olduğunu deyərək bunun ikitərəfli münasibətlərin perspektivləri ilə bağlı fikir mübadiləsi aparmaq üçün yaxşı imkan yaratdığını vurğulayıb.

Dövlətimizin başçısı bundan əvvəl beynəlxalq tədbirlər çərçivəsində Uxnaaqiyn Xurelsux ilə təmaslarını məmnunluqla xatırlayaraq, Monqolustan Prezidenti vəzifəsində Azərbaycana ilk səfəri tarixi hadisə kimi dəyərləndirib.

Prezident İlham Əliyev ölkələrimiz arasında müxtəlif səviyyələrdə təmasların bundan sonra da davam etdiriləcəyinə ümidvar olduğunu bildirib. Siyasi əlaqələrimizin çox yaxşı səviyyədə olduğunu deyən dövlətimizin başçısı iqtisadi sahədə də əməkdaşlıq istiqamətlərinin müəyyənləşdirilməsinin vacibliyini vurğulayıb.

Xoş sözlərə və COP29-da iştiraka dəvətə görə minnətdarlığını bildirən Monqolustan Prezidenti dövlətimizin başçısının dəvətini qəbul edərək Azərbaycana səfərindən böyük məmnunluğunu ifadə edib.

Monqolustan Prezidenti deyib ki, bu görüşü ikitərəfli əlaqələr üçün tarixi görüş hesab edir.

Qonaq ölkəmizin COP29-a ev sahibliyi və sədrlik etməsi münasibətilə təbriklərini çatdırıb.

Uxnaaqiyn Xurelsux da öz növbəsində Prezident İlham Əliyev ilə bundan əvvəl beynəlxalq səviyyəli tədbirlərdə təmaslarını məmnunluqla xatırlayıb.

Ölkələrimiz arasında 32 ildir diplomatik əlaqələrin qurulduğunu deyən qonaq Azərbaycan Prezidentini Monqolustana səfərə dəvət edib.

Monqolustan Prezidenti dövlətimizin başçısının rəhbərliyi ilə ölkəmizdə gedən böyük inkişaf proseslərinin ona dərin təəssürat bağışladığını deyib. Uxnaaqiyn Xurelsux ölkələrimiz arasında tarixi yaxınlığın olduğunu da vurğulayıb. O, ölklələrimiz arasında ikitərəfli hüquq-müqavilə bazasının inkişaf etdirilməsinin önəminə toxunub.

Prezident İlham Əliyev Monqolustana səfərə dəvətə və COP29-un ölkəmizdə keçirilməsi ilə bağlı təbriklərə görə minnətdarlığını bildirib. Azərbaycan Prezidenti də öz növbəsində Monqolustan Prezidentinin rəhbərliyi ilə bu ölkənin inkişaf etdiyini vurğulayıb.

Söhbət zamanı ölkələrimizin beynəlxalq təşkilatlar çərçivəsində əməkdaşlığından məmnunluq ifadə olunub, xarici işlər nazirləri və digər aidiyyəti qurumlar səviyyəsində səfərlərin təşkili ilə bağlı təlimatlar verilib. Monqolustanda investisiya imkanları barədə fikir mübadiləsi aparılıb.

Görüşdə hökumətlərarası komissiyanın yaradılması, turizm, təhsil, kənd təsərrüfatı, o cümlədən heyvandarlıq sahələrində əməkdaşlığın perspektviləri müzakirə olunub.

* * * * *

Azərbaycan Respublikasının Prezidenti İlham Əliyev noyabrın 11-də Monqolustan Prezidenti Uxnaaqiyn Xurelsux ilə görüşüb.

Bununla bağlı AZƏRTAC məlumat yayıb.





скачать dle 11.3




Şahidi olduğunuz hadisələri çəkib bizə göndərin!




            2 040 11.11.24 12:41