“Fələstin hakimiyyəti sülh tərəfdarıdır və İsraillə danışıqlara hazırdır”.
Bu sözləri Fələstinin Rusiyadakı səfiri Abdel Hafiz Nofəl RTVI-ya müsahibəsində deyib.
“Birincisi, biz Qəzza zolağına yardımın çatdırılmasına nail olunması üçün atəşkəsin əld edilməsindən danışırıq. Əgər bundan sonra nizamlanma üçün ciddi, konstruktiv təkliflər irəli sürülərsə, Fələstin hakimiyyəti danışıqlara hazırdır. Fələstin prezidenti Mahmud Abbas sülh mövqeyindən çıxış edir. Fələstin sülh danışıqlarına hazırdır”, - deyə o bildirib.
Diplomatın sözlərinə görə, münaqişənin kəskinləşməsinə səbəb İsraildə Baş nazir Binyamin Netanyahunun rəhbərlik etdiyi radikal hökumətin yaradılması olub.
Mənbə: TASS
Şahidi olduğunuz hadisələri çəkib bizə göndərin!
Son Əlavə