Gəncədə velosipedin aşması nəticəsində gənc yıxılaraq xəsarət alıb.
Median.Az-ın APA-ya istinadən məlumatına görə, hadisə şəhərin Nəriman Nərimanov prospektində baş verib.
Belə ki, Tovuz rayon sakini, 1993-cü il təvəllüdlü Xanməmmədov Allahverdi Xanlar oğlu sözügedən küçədə velosiped sürən zaman idarəetməni itirib. Nəticədə gənc oğlan qazılmış quyuya düşüb.
Yaralı dərhal xəstəxanaya yerləşdirlib. Xəstəyə alının, burunun, sifətin, üst dodağın əzilmiş, cırılmış-kəsilmiş yaraları və diş düşməsi diaqnozu qoyulub. Onun vəziyyətinin orta-ağır olduğu bildirilir.
Hadisə ilə bağlı polisə məlumat verilib.
Qeyd edək ki, hadisə baş verən küçədə quyu su kanalizasiyası xətlərinin təmiri ilə əlaqədar qazılıb.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə