Millimizə Yunanıstana viza verilməməsinin səbəbi bilindi - Baş məşqçi açıqladı » Median.Az - Bütün xəbərlər bir ünvanda
14:42 Uşaqların birinci sinfə qəbulunda yenilik tətbiq edilib  |     14:34 "Disney" filmlərində LGBT və azlıqların təbliği dayandırılır  |     14:10 Alimlər kvant kompüterlərində kainatın məhvini modelləşdirdilər  |     13:55 Paytaxtda yeni yerüstü piyada keçidinin inşası yekunlaşıb  |     13:37 Bu gün keçiriləcək ÇL-in pley-off oyunlarını hansı kanallardan izləmək olar? (ANONS)  |     13:25 Şirvanda beş evdən 53 min manatlıq oğurluq etdi: ƏLƏ KEÇDİ  |     13:23 Bu gün Əfv Komissiyasının ilk iclası keçiriləcək  |     13:22 Ağdaşda oğurluq və narkotik cinayətlərinə görə yeddi nəfər saxlanılıb  |     13:21 İngiltərədə uşaq meydançasının altından 176 bomba aşkarlandı  |     13:05 Dünyada temperatur rekord yüksək səviyyəyə çatıb - HƏYƏCAN TƏBİLİ  |     13:01 Rahatlıq üçün ortopedik kresloya keçid zərər verə bilər - GİZLİ TƏHLÜKƏ  |     12:54 Çində yanğınsöndürənlər robot itdən istifadə ediblər  |     12:52 Meymun beynini insan beyninə çevirən mexanizm tapıldı  |     12:52 Ağciyər xərçəngi olanlar üçün yeni ümid: Şişin "zəif nöqtəsi" aşkarlandı  |     12:51 İki nəhəng şirkət süni intellekt hazırlayır  |     12:50 Daha bir kişi Diddini təcavüzdə ittiham edir - Məhkəməyə müraciət etdi  |     12:49 "Şirniyyat sevgisi" hansı xəstəliyin əlaməti ola bilər?  |     12:48 "Binance" və SEC məhkəmə prosesinin dayandırılması ilə bağlı birgə vəsatət qaldırdılar  |     12:47 "Qalatasaray" - "Fənərbağça" derbisinin tarixi açıqlandı  |     12:47 Ermənistanı silahlandıran Fransa özü müdafiəsiz qala bilər  |    

Millimizə Yunanıstana viza verilməməsinin səbəbi bilindi - Baş məşqçi açıqladı

Dünya çempionatına gedə bilməməyimizin səbəbi viza verilməməsi oldu. Biz Yunanıstan səfirliyinə Gənclər və İdman Nazirliyi və AFFA-nın məktubunu, həmçinin turnir təşkilatçılarının dəvətnaməsini təqdim etmişdik. Amma bizə viza verilməməsinin dəqiq səbəbini göstərə bilmədilər.

Bunu Oxu.Az-a mini futbol üzrə milli komandamızın baş məşqçisi Elşad Quliyev deyib.

Yunanıstanın Krit adasında keçirilən sokka (mini futbolun bir başqa növü) üzrə II dünya çempionatına millimiz yollana bilməyib. 40 iştirakçı arasında yığmamız olsa da, Yunanıstanın Bakıdakı səfirliyi yığmamızı “Şengen” vizası ilə təmin etməyib. Nəticədə yığmamız DÇ-dən kənarda qalıb.

E.Quliyevin sözlərindən belə başa düşülür ki, futbolçuların Azərbaycan Mini-Futbol Federasiyasından aldıqları maaşlar qeyri-rəsmi olduğundan, bank hesabı göstərilə bilməyib:

“Bizə pasportlarımız qaytarılanda deyildi ki, Yunanıstanda miqrant sayı çox olduğundan, futbolçuların son bir ildə harada işləməsinə dair məlumat təqdim olunmalıdır. Mini futbol isə həvəskar statusludur. Bu futbolçuların heç birində peşəkar fəaliyyəti əks etdirən iş yeri yoxdur. Biz federasiyadan maaş aldığımızı göstərmişdik. Amma onlar dedi ki, bank təminatı, hansı bank vasitəsilə pulun hesabımıza köçürülməsini əks etdirən sənəd də lazımdır. Hətta bu məsələdə nazir Azad Rəhimova qədər çıxıldı. Lakin o da dedi ki, başqa ölkənin səfirliyinin işinə müdaxilə edə bilməz.

Son vaxtlar Avropa ölkələri bizə çox çətinliklə viza verir. Fikirləşirlər ki, birdən gedərik, Azərbaycana qayıtmarıq. Ola bilsin ki, 3-4 ay əvvəldən viza üçün müraciət etsəydik, ala bilərdik. Ay yarım əvvəl müraciət etmişdik deyə, çatdıra bilmədik. Nəticədə bir illik əziyyətimiz boşuna getdi, bu turnirə çox ciddi hazırlaşmışdıq.

Həmçinin AzTV ilə danışmışdıq, “İdman” telekanalı oyunlarımızı canlı göstərməliydi. Təyyarə biletləri alınmışdı. Gedə bilmədiyimiz üçün federasiya təkcə biletdə 12 min ziyana düşdü”.

Elşad Quliyev yığmamızın heyətinin keçmiş peşəkar futbolçulardan ibarət olmasından da danışıb:

“Böyük futboldan Tural Nərimanov, Eşqin Quliyev, Hüseyn Axundov, Seyid Rəzi, Pərviz Qaraxanov, Fərmayıl Əliyev, futzaldan Seymur Məmmədov, İlkin Hacıyev, çimərlik futbolundan Asif Zeynalov heyətimizdə vardı. Qapıçılarımız Ramil Həsənzadə və Anar Məmmədov idi. Kənarda qalan futbolçular idi, bir yerə yığmışdıq. Eləsi vardı ki, bu yarışa hazırlaşdıqdan sonra 10 kq atmışdı. Eşqin Quliyev bu dəqiqə elə formadadır ki, Premyer Liqada oynaya bilər”.

Mini futbol üzrə millimiz isə gələn il yalnız bir yarışa gedə biləcək. Çünki federasiyada maliyyə durumu yüksək deyil:

“Ötən il Portuqaliyada keçirilən dünya çempionatına hazırlaşıb gedə bilməmişdik. Bu dəfə isə hazır idik, vizaya görə alınmadı. Gələn il Beynəlxalq Sokka Federasiyası Macarıstanın paytaxtı Budapeştdə dünya çempionatı keçirəcək. Həmçinin Dünya Mini-Futbol Federasiyası Kiyevdə Avropa çempionatı keçirəcək. İkisi də təxminən eyni vaxta düşdüyündən, bizdə də o qədər maliyyə olmadığından, birinə getməyə çalışacağıq”.скачать dle 11.3




Şahidi olduğunuz hadisələri çəkib bizə göndərin!




            1 309 17.10.19 19:18