Nazirlik soğan məsələsinə aydınlıq gətirdi
Azərbaycanda soğanın sürətlə ucuzlaşmasına səbəb bu il məhsulun ötən illərlə müqayisədə bol olmasıdır.
Median.Az-ın Sputnik Azərbaycan-a istinadən məlumatına görə, bunu Azərbaycanın Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov ölkədə soğanın ucuzlaşmasının, nəticədə fermerlərin gəlirlərinin azalmasının səbəblərinə aydınlıq gətirərkən deyib.
"Havaların isti keçməsi Bərdədə sahələrdən soğanın yığımına mənfi təsir göstərmişdi. Fermerlərin dili ilə desək, kəskin istilər həm soğanı "bişirir", həm də yığım üçün sərf olunan iş saatını azaldır. Hər iki amil qısa müddət də olsa, qiymətlərə təsirini göstərib. Amma qısa müddətə", - deyə Hüseynov bildirib.
O, qeyd edib ki, artıq ölkənin əsas soğançılıq bölgələrindən sayılan Beyləqan və Ağdamda baş soğanın kütləvi yığımına başlanıb. Hazırda Ağdamda sahədə soğanın bir kisəsi (33-34 kiloqram) 12 manata, Beyləqanda isə 10 manata təklif olunur. Fermerlər yaxın günlərdə qiymətlərin 5-7 manatadək enəcəyini proqnozlaşdırırlar. Qiymətlərin bu səviyyədən də aşağı enəcəyi istisna olunmur. Çünki məhsul ötən illərə nisbətən daha çoxdur. Bazarda təklifin artması, məhsulun bolluğu soğanın pərakəndə satış qiymətini də getdikcə ucuzlaşdırır.
"Bərdə, Ağdam və Beyləqandan olan fermerlərlə söhbətdən çıxan nəticə belədir ki, prosesin əvvəlində fermer, sonunda isə istehlakçı qazanır. Artıq istehlakçının, yəni alıcının qazanmağa başladığı mərhələdir" - Hüseynov əlavə edib.
Median.Az-ın Sputnik Azərbaycan-a istinadən məlumatına görə, bunu Azərbaycanın Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov ölkədə soğanın ucuzlaşmasının, nəticədə fermerlərin gəlirlərinin azalmasının səbəblərinə aydınlıq gətirərkən deyib.
"Havaların isti keçməsi Bərdədə sahələrdən soğanın yığımına mənfi təsir göstərmişdi. Fermerlərin dili ilə desək, kəskin istilər həm soğanı "bişirir", həm də yığım üçün sərf olunan iş saatını azaldır. Hər iki amil qısa müddət də olsa, qiymətlərə təsirini göstərib. Amma qısa müddətə", - deyə Hüseynov bildirib.
O, qeyd edib ki, artıq ölkənin əsas soğançılıq bölgələrindən sayılan Beyləqan və Ağdamda baş soğanın kütləvi yığımına başlanıb. Hazırda Ağdamda sahədə soğanın bir kisəsi (33-34 kiloqram) 12 manata, Beyləqanda isə 10 manata təklif olunur. Fermerlər yaxın günlərdə qiymətlərin 5-7 manatadək enəcəyini proqnozlaşdırırlar. Qiymətlərin bu səviyyədən də aşağı enəcəyi istisna olunmur. Çünki məhsul ötən illərə nisbətən daha çoxdur. Bazarda təklifin artması, məhsulun bolluğu soğanın pərakəndə satış qiymətini də getdikcə ucuzlaşdırır.
"Bərdə, Ağdam və Beyləqandan olan fermerlərlə söhbətdən çıxan nəticə belədir ki, prosesin əvvəlində fermer, sonunda isə istehlakçı qazanır. Artıq istehlakçının, yəni alıcının qazanmağa başladığı mərhələdir" - Hüseynov əlavə edib.
