Bakı Apelyasiya Məhkəməsində Bakı şəhər sakini Səməd Pənahovun CM-nin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi məhkum olunmasına dair iş üzrə məhkəmə prosesi başlayıb.

Median.Az xəbər verir ki, ittiham aktına görə, Səməd Pənahov tanışları İlqar Abdullayev və Cabbar Babayevlə birlikdə Röyal Xankişiyevlə görüşə gedib. Məqsədi Röyalın İlqara borclu olduğu və vaxtında verə bilmədiyi 15 manatı almaq olub.

Belə ki, bir müddət əvvəl Abdullayev Xankişiyevə 40 manata elektroşok satıb, sonuncu 25 manatı ödəyib, qalan məbləği isə verəcəyini deyib. Lakin dediyi vaxtda pulu qaytara bilmədiyindən aralarında narazılıq yaranıb. Keşlə qəsəbəsində baş vermiş dava zamanı Səməd Röyalı idman fəndi ilə yerə yıxıb, zərərçəkmişin başı asfalta çırpılıb və o aldığı ağır xəsarətdən bir neçə saat sonra vəfat edib. Pənahov Nizami RPİ 23-cü polis bölməsinin əməkdaşları tərəfindən saxlanılıb.

Bakı Ağır Cinayətlər Məhkəməsinin hökmü ilə S.Pənahov 10 il müddətinə azadlıqdan məhrumetmə cəzasına məhkum olunub.

Hökmdən məhkum apellyasiya şikayəti verib.

Bakı Apellyasiya Məhkəməsində apelyasiya şikayəti üzrə ilkin baxış iclası keçirilib.скачать dle 11.3