21:48
Sosial şəbəkə istifadəçiləri tərəfindən Qax rayonunda 1 saylı tam orta məktəbin sanitar qovşağının yararsız vəziyyətdə olduğuna dair fotolar paylaşılıb.
Median.Az xəbər verir ki, iki yüzə yaxın şagirdin oxuduğu məktəbin direktoru Mədinə Heydərova oxu.az-a bildirib ki, sosial şəbəkələrdə məktəbə aid olduğu iddia edilən fotolar həqiqəti əks etdirmir:
"Qeyd olunan məktəbin daxilində və həyətində təmir edilmiş tualet var. Şagirdlər əsasən məktəb daxilində olan tualtdən istifadə edirlər. Həyətdə yerləşən tualetin də fotoları yayılan tualetlə oxşarlığı ola bilməz".
---------
16:22
Sosial şəbəkələrdə Zaqatala rayonunda 1 saylı orta məktəbin yararsız vəziyyətdə olduğuna dair fotolar paylaşılıb. Məktəbdə yüzlərlə şagirdin oxuduğu, lakin istifadə edə biləcəkləri normal bir ayaqyolunun belə olmadığı iddia edilir.
Median.Az xəbər verir ki, Zaqatala Rayon Təhsil Şöbəsindən məsələ ilə bağlı oxu.az-ın sorğusuna cavab olaraq bildirilib ki, sosial şəbəkələrdə məktəbə aid olduğu iddia edilən fotogörüntülər həqiqəti əks etdirmir:
"Zəfər Murtuzəliyev adına 1 nömrəli tam orta məktəbin sanitar qovşağının vəziyyəti ilə bağlı sosial şəbəkələrdə yayılmış məlumatlar tamamilə yalandır. Belə ki, qeyd olunan məktəb 2018-ci ildə Təhsil Nazirliyi tərəfindən əsaslı təmir edilib, məktəbdə yeni istilik sistemi quraşdırılıb.
Məktəbin sanitar qovşaqları tədris binasının daxilindədir və işlək vəziyyətdədir. Məktəbin həyətində sanitar qovşaq yoxdur. Yayılmış şəkillər və məlumatlar həqiqəti əks etdirmir".
Qeyd edək ki, sözügedən məktəbdə 528 şagird təhsil alır, onların təlim tərbiyəsi ilə 77 müəllim məşğul olur.
--------
11:54
Zaqataladan olan İnqilab Soltanov adlı sosial şəbəkə istifadəçisi İnqilab Soltanov rayonun 1 saylı orta məktəbindən paylaşdığı fotolar daha bir biabırçı faktın üstünü açıb.
Median.Az ölkə.az-a istinadən xəbər verir ki, sözügedən məktəbdə ayaqyolu demək olar ki, yox vəziyyətdədir:
"Yüzlərlə şagird bu ayaqyoludan istifadə edir. Görəsən məktəbin direktoru və müəllimlər bu ayaqyoludan istifadə edirlərmi. Çox acınacaqlı mənzərədir".
Maraqlıdır ki, İ.Soltanov bir neçə saat sonra fotoları silib.
Şahidi olduğunuz hadisələri çəkib bizə göndərin!
Son Əlavə