Buzovnada ticarət mərkəzində baş vermiş yanğın zamanı xəsarət alan şəxslərin adları məlum olub.
Median.Az-ın oxu.az-a istinadən məlumatınaa görə, bunlar satıcı işləyən 19 yaşlı Məmmədzadə Tahirə Fariz qızı, 24 yaşlı Mirzəyev Əmrah Əmralı oğlu, 18 yaşlı Kazımova Aytən Şahin qızı, 24 yaşlı Abdullayeva Zeynəb Tövsi qızı, 30 yaşlı Abbasova Səadət Hikmət qızı, habelə FHN işçiləri – 38 yaşlı Səxavət Quliyev və 26 yaşlı Mahir Əliyevdir.
22:13
Bakıda ticarət mərkəzində baş vermiş yanğın zamanı xəsarət alanların sayı artıb.
Median.Az report-a istinadən xəbər verir ki, hadisə zamanı Fövqəladə Hallar Nazirliyinin (FHN) əməkdaşları da xəsarət alıb.
Yaralılar 1 saylı Kliniki Tibbi Mərkəzin Toksikologiya şöbəsinə aparılıb.
Qeyd edək ki, FHN-in Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Binada olan insanlar təxliyə edilib.
Yanğınsöndürmə və digər təxirəsalınmaz tədbirlərin həyata keçirilməsi işləri davam etdirilir.
***20:37
Bakının Buzovna qəsəbəsində yerləşən “Favorit” marketdə yanğın baş verib.
Median.Az oxu.az-a istinadən xəbər verir ki, hadisə nəticəsində zərərçəkənlər var.
Səhiyyə Nazirliyindən saytımıza verilən məlumata görə, hadisə yerinə 7 təcili yardım briqadası cəlb edilib:
“Hadisə nəticəsində 4 nəfər hospitalizasiya edilib. İki qadın və bir kişi toksikologiya şöbəsinə, daha bir qadın isə qıcolma ilə 26 BŞX-ya yerləşdirilib. Bir neçə nəfərə yerində yardım göstərilib”.
Şahidi olduğunuz hadisələri çəkib bizə göndərin!
Son Əlavə