Mojo.az — elanlar
RU
RU
Son Xəbərlər
12:29 Gürcüstanda 31 yaşlı azərbaycanlı faciəli şəkildə öldü | 12:28 Avtomobilin sobası niyə yaxşı qızdırmır? - Beş əsas səbəb | 12:27 Censen Huanq sevgilisinə görə "Nvidia"dan qovulmasından sonra ilk açıqlamasını verib | 12:25 Tanışı evindən küçəyə çağırdı, mübahisə qanlı sonluqla bitdi | 12:21 Xaricdən onlayn alış-veriş edənlərin nəzərinə | 12:12 Qətlə yetirilən 23 yaşlı Gülarə tələbə imiş: Yeni təfərrüat - VİDEO (Yenilənib) | 12:09 Navai Qazaxıstan qalmaqalından sonra məclislərdə iştirak qiymətini kəskin artırdı | 12:00 Kişi arvadı ilə görüşən şəxsi maşının yük yerində Çaylağa apardı - Qərar | 11:35 Nazir: "Azərbaycan və Almaniya 10 sənəd üzərində iş aparırlar" | 11:31 Bəzi cərimələr 150 faiz artırılır | 23:04 Müzəffər İsayev vəfat etdi | 22:41 MKA “Azərpoçt”un adından göndərilən saxta SMS-lərlə bağlı xəbərdarlıq edib | 22:35 Birce Akalay yeni serialda | 22:29 Telefonla böyüyən uşaqları hansı təhlükələr gözləyir? | 22:22 Süni intellekt yeni peşələr yaradır – Gələcəkdə bu mütəxəssislərə tələbat artacaq | 22:17 134 yaşlı Cəlilabadlı nənə uzunömürlülük sirrini açıqladı - VİDEO | 22:11 “Qremmi” tarixində ilk: Müğənni 100 dəfə namizəd oldu | 22:04 Cinayətdə şübhəli bilinən 41 nəfər saxlanıldı | 21:59 Gürcüstanda azərbaycanlı gəncin meyiti tapıldı | 21:54 Noyabrda çoxlu pul qazanacaq BÜRCLƏR |
Mojo.az Avto
Mojo.az Avto

Avtomobil almaq istəyənlər DİQQƏT! – Bunu mütləq edin

02.10.2026 23:01 531
Avtomobil almaq istəyənlər DİQQƏT! – Bunu mütləq edin
İkinci əl avtomobil alarkən yalnız avtomobilin xarici görünüşünə və mühərrikin işlək vəziyyətinə diqqət yetirmək kifayət deyil. Avtomobilin elektron sistemlərinin kompüter diaqnostikasından keçirilməsi də vacibdir. Çünki bəzi nasazlıqlar ilkin baxış zamanı hiss olunmasa da, xüsusi cihazlar vasitəsilə müəyyən edilə bilər. Hətta avtomobilin sistemində hər hansı xəta kodu qeydə alınmadıqda belə, canlı göstəricilərin təhlili gizli problemlərin aşkarlanmasına kömək edə bilər.

Bəs kompüter diaqnostikası avtomobilin bütün nasazlıqlarını üzə çıxarmağa imkan verirmi? İkinci əl avtomobil alarkən hansı sistemlər mütləq yoxlanılmalıdır?

Median.Az-ın məlumatına görə, Hafta.az-a açıqlamasında avtomobil mütəxəssisi Ramil Əliyev bildirib ki, diaqnostikanın nəticəsi avtomobilin modelindən, istehsal ilindən, istifadə olunan cihazların imkanlarından və yoxlamanı aparan şəxsin peşəkarlığından asılıdır.

Onun sözlərinə görə, bəzi avtomobillərdə xüsusi diaqnostika cihazları vasitəsilə müəyyən göstəriciləri oxumaq və problemləri aşkar etmək mümkün olsa da, bütün nasazlıqları dəqiq müəyyənləşdirmək hər zaman mümkün olmur:

“Nasazlıq kodunun çıxmaması hələ avtomobildə hər şeyin qaydasında olması demək deyil. Sistemdə xəta kodu görünməsə belə, faktiki olaraq nasazlıq mövcud ola bilər. Buna görə də yalnız xəta kodlarına deyil, canlı göstəricilərə və bütün parametrlərə diqqətlə baxılmalıdır. Diaqnostika hərtərəfli aparılmalıdır. Burada avtomobilin xüsusiyyətləri və yoxlamanı həyata keçirən mütəxəssisin peşəkarlığı da mühüm rol oynayır”.
Mütəxəssis qeyd edib ki, ikinci əl avtomobil alarkən yalnız mühərrik və sürətlər qutusunun deyil, bütün elektron sistemlərin yoxlanılması vacibdir. Onun sözlərinə görə, avtomobilin istehsal ili nə qədər yenidirsə, kompüter diaqnostikası vasitəsilə yoxlanıla bilən sistemlərin imkanları da bir o qədər geniş olur.

“Avtomobilin səs sistemindən, antenalarından, qapılarından və təkər sensorlarından tutmuş əsas idarəetmə sistemlərinə, mühərrikə, sürətlər qutusuna və əyləc sisteminə qədər bütün elektron komponentlər yoxlanılmalıdır. Çünki avtomobilin müxtəlif hissələrində yaranan nasazlıqlar yalnız müvafiq sistemlərin yoxlanılması zamanı üzə çıxa bilər”, – deyə Ramil Əliyev vurğulayıb.
Beləliklə, ikinci əl avtomobil alarkən kompüter diaqnostikası alıcının diqqət yetirməli olduğu əsas yoxlamalardan biridir. Bununla belə, diaqnostikanın nəticələri avtomobilin texniki vəziyyətinin tam qiymətləndirilməsi üçün mexaniki baxışla birlikdə nəzərə alınmalıdır.

Son xəbərlər