Yeni yolun istifadəyə verilməsi Yeni Yasamal və ətraf ərazilərdə yaşayan sürücülərin xarici dairəvi yola çıxışı üçün əlavə alternativ yaradacaq.

Nəqliyyat eksperti Eldəniz Cəfərov bildirib ki, yeni yolun əsas üstünlüklərindən biri 20 Yanvar dairəsi və “Şamaxinka” istiqamətindəki nəqliyyat yükünün müəyyən hissəsinin alternativ istiqamətə yönəldilməsi olacaq.

Ekspertin sözlərinə görə, yeni yolun açılması ilə Yeni Yasamal və ətraf ərazilərdən xarici dairəvi yola çıxmaq daha əlçatan olacaq.

“Yeni yolun əsas üstünlüyü ondan ibarət olacaq ki, Yeni Yasamal və ətraf ərazilərdən xarici dairəvi yola çıxmaq üçün sürücülərin daha bir alternativi yaranacaq. Bu da 20 Yanvar dairəsi və Şamaxinka istiqamətindəki nəqliyyat yükünün müəyyən hissəsinin başqa istiqamətə yönləndirilməsinə imkan verəcək”, – deyə E.Cəfərov qeyd edib.

Ekspert əlavə edib ki, yeni yol Qaradağ istiqamətinə çıxışı da asanlaşdıra bilər. Eyni zamanda, sürücülərin şəhər mərkəzinə daxil olmadan hərəkət etmək imkanları genişlənəcək.

Onun fikrincə, alternativ yolların artırılması Bakıdakı əsas nəqliyyat arteriyalarının yükünün bölüşdürülməsinə və ayrı-ayrı istiqamətlərdə yaranan sıxlığın azalmasına kömək edə bilər.
//avtosfer.azскачать dle 11.3