Bakıda reyd: sərxoş sürücülər saxlanıldı - FOTO

Bakının mərkəzi ilə yanaşı, Sabunçu, Xəzər, Xətai və Pirallahı rayonlarında ictimai təhlükəsizliyin daha yüksək səviyyədə təmin edilməsi məqsədi ilə profilaktik-maarifləndimə tədbirləri keçirilib.

Median.Az oxu.az-a istinadən bildirir ki, keçirilən tədbirlər zamanı Bakı şəhərinin mərkəzi küçələrində avtomobili sərxoş halda idarə edən sürücülər saxlanılıb. Onlar barəsində inzibati protokollar tərtib edilib, avtomobillər isə cərimə meydançasına yerləşdirilib.

Reyd zamanı sərnişindaşıma fəaliyyəti ilə məşğul olan ictimai nəqliyyat vasitələrinin sürücüləri, həmçinin avtobus dayanacağına yaxın məsafədə saxlanılan avtomobillərin sahibləri ilə profilaktik söhbət aparılıb. Onlara dayanacağa yaxın məsafədə digər nəqliyyat vasitələrinin saxlanılmasının qanunla qadağan edildiyi izah edilib.