Bu gün Bakı Ağır Cinayətlər Məhkəməsində ehtiyatsızlıqdan zərərçəkmişin ölümünə səbəb olmaqda təqsirləndirilən Rafiq Şıxəliyevin cinayət işi üzrə məhkəmə prosesi başa çatıb.

hakim Eldar Mikayılovun sədrliyi ilə keçirilən prosesdə hökm oxunub.

Hökmə əsasən, R.Şıxəliyevin ittiham olunduğu Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi 124-cü (ehtiyatsızlıqdan adam öldürmə) maddəsinə tövsif edilib və o, 3 il müddətinə azadlıqdan məhrum olunub.

Məlum olub ki, hadisə ötən il Bakı şəhəri Nizami rayon ərazisində baş verib.

R.Şıxəliyev toy məclisindən çıxıb evə gedən zaman küçədə cinsi azlığın nümayəndəsi olmuş R.B-la (ad, soy ad şərti) tanış olub.

Daha sonra R.Şıxəliyev həmin şəxsi qadın bilib, cinsi əlaqədə olmaq üçün 50 manat pul verib.

R.B isə qadın olmadığını ona deyəndən sonra R.Şıxəliyev verdiyi 50 manat pulu geri istəyib. Bu zaman hər iki şəxs arasında mübahisə yaranıb.

R.Şıxəliyev sonuncuya yumruq vurub. Xəstəxanaya çatdırılan cinsi azlıq nümayəndəsi bir müddətdən sonra orada dünyasını dəyişib.
//oxu.az

скачать dle 11.3