Median.Az xəbər verir ki, Suraxanı RPİ 31-ci polis bölməsi əməkdaşlarının keçirdikləri əməliyyat-axtarış tədbirləri nəticəsində yanvarın 11-də, rayon ərazisində “Opel” markalı avtomobili qaçıran Bakı şəhər sakini olan bir yeniyetmə, Ramana qəsəbəsinin ərazisində avtomobillə birgə saxlanılıb.

Bundan başqa, Abşeron RPİ-nin əməkdaşları əməliyyat-axtarış tədbirləri nəticəsində rayon sakini Elvin Cəbrayılovu saxlayıblar. O, sərxoş vəziyyətdə "VAZ 2106" markalı avtomobili qaçırıb. Məlum olub ki, E.Cəbrayılov izi itirmək məqsədi ilə avtomobilin dövlət qeydiyyat nişanını çıxardaraq tullayıb.

Şamaxı RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 12-də, Y.Əliyevə məxsus “VAZ-2106” markalı avtomobili qaçıran şəhər sakini, əvvəllər məhkum olunmuş Hüseyn Məmmədşuri saxlanılıb.

Faktlarla bağlı araşdırma aparılır.скачать dle 11.3